Reshjet e shiut kanë përfshirë qarkun e Kukësit që prej orëve të pasdites së djeshme, kanë sjellë vështirësi në qarkullimin e automjeteve në qytete dhe në disa akse rrugore nacionale.

Reshjet kanë shkaktuar rënie gurësh dhe materialesh inerte në disa akse rrugore nacionale. Deri më tani nuk raportohet për bllokime të qarkullimit pasi kompanitë e mirëmbajtjes rrugore kanë ndërhyrë për largimin e gurëve dhe materialeve inerte të rëna në rrugë.

Ndryshe, reshjet e shiut janë të mirëpritura për sektorin energjetik, veçanërisht për hidrocentralin e Fierzës, i cili gjatë muajve të verës është përballur me prurje të kufizuara nga burimet që furnizojnë liqenin, çka ka bërë që niveli i Fierzës të zbresë në kuotën 265 metra mbi nivelin e detit. 


Lajmi kryesor:

Shiu 'paralizon' Tiranën/ Kaos në qarkullim, qytetarët me orë në trafik! (VIDEO)