“Jam udhëheqësi i Milicisë Serbe”, mesazhe elektronike për bomba në disa institucione, dyshohet për alarme false

Disa institucione kanë marrë mesazhe elektronike kërcënuese për vendosjen e bombave. Pas sinjalizimeve, strukturat e Policisë së Shtetit kanë nisur verifikimet për të vlerësuar situatën dhe për të identifikuar autorët e këtyre mesazheve.

Dyshohet se bëhet fjalë për alarme false, ndërsa verifikimet vijojnë për të sqaruar rrethanat e rastit.

Ndërkohë, Euronews zbardh përmbajtjen e një prej mesazheve kërcënuese, i cili dyshohet se është shpërndarë në një numër të madh adresash elektronike, përfshirë mbi 140 marrës.

“Përshëndetje. Jam udhëheqësi i Milicisë Serbe. Kemi ardhur të hakmerremi ndaj jush.

Sapo kam vendosur personalisht një mjet shpërthyes në ndërtesën tuaj. Shpërthimi do të ndodhë pas një ore. Nga ju do të mbeten vetëm copa mishi.

Do të vrasim shqiptarë derisa ta njihni Kosovën si territor të Serbisë. FAT TË MBARË”, thuhet në emailin kërcënues.