Një delegacion i nivelit të lartë nga Akademia e Arteve të Bukura të Leçes zhvilloi një takim në Universitetin e Arteve në Tiranë

Një delegacion i nivelit të lartë nga Akademia e Arteve të Bukura të Leçes (Accademia di Belle Arti di Lecce) zhvilloi dje, një takim në Universitetin e Arteve në Tiranë, në kuadër të forcimit të marrëdhënieve akademike dhe kulturore mes dy institucioneve.

Delegacioni u prit nga rektori i Universitetit të Arteve, Erald Bakalli, dhe përgjegjësi i Sektorit të Projekteve, Pjetër Guralumi.

Takimi u zhvillua në vijim të Marrëveshjes së Mirëkuptimit mes dy institucioneve dhe eksperiencave pozitive të krijuara gjatë vitit të kaluar akademik, veçanërisht për studentët e Fakultetit të Arteve të Bukura.

Në fokus të diskutimeve ishte thellimi i bashkëpunimit ndërkombëtar, me synim krijimin e më shumë mundësive për studentët dhe zhvillimin e projekteve e aktiviteteve të përbashkëta. Bashkëpunimi pritet të përfshijë jo vetëm programet e Fakultetit të Arteve të Bukura, por edhe programet Film dhe Skenografi e Kostumografi të Fakultetit të Artit Skenik.

Nga ana e Universitetit të Arteve u prezantuan publikime të realizuara në kuadër të 60-vjetorit të institucionit, si dhe botime të lidhura me Konferencën e Përvitshme Shkencore të Universitetit.

Vizita vijoi me një ndalesë në Sallën e Madhe të Koncerteve të Universitetit të Arteve, ku delegacioni italian u njoh nga afër me hapësirat dhe mundësitë që ofron ky ambient i restauruar.

Gjatë vizitës u vlerësuan mundësitë për organizimin e aktiviteteve të përbashkëta artistike, akademike dhe ndërkombëtare, duke e kthyer bashkëpunimin mes dy institucioneve në një platformë të re për shkëmbimin e eksperiencave dhe krijimin e mundësive të reja për studentët dhe pedagogët.

Takimi shënon një tjetër hap në forcimin e lidhjeve akademike dhe artistike mes Tiranës dhe Leçes, me synimin që marrëveshja mes dy institucioneve të konkretizohet përmes projekteve të reja dhe aktiviteteve të përbashkëta.

A.K./TemA

Nobelistja Anne Carson në qendër të diskutimit në COD

09:38 Kulturë

Ndërhyrje në Varret Monumentale të Selcës së Poshtme

09:25 Kulturë

Durrësi zgjedh një kompromis për “Gjergj Kastriotin” dhe vilën romake

19:44 Kulturë

Vallja e Osman Takës në Listën Kombëtare të Trashëgimisë, Rama: Simbol i identitetit çam

18:30 Kulturë 6 komente

Zbulim arkeologjik pranë Lushnjës

17:38 Kulturë

Të kapërcesh urën (II)

16:39 Kulturë

Durrësi mirëpret Bienalen e Artit Bashkëkohor, Rama jehonë lajmit (FOTOT)

16:33 Kulturë

Sula në Konferencën IV Ndërkombëtare për Zhdukurit në Baku: “Demokracia trashëgon detyrimin për t’i kërkuar ”

15:38 Kulturë

Shpallen fituesit e konkursit "Tish Daija"

15:37 Kulturë

Mendimi europian i Anri Salës

14:08 Kulturë