Shqipëria me Ministri të Administratës Publike, ja kush do ta drejtojë

Kryeministri Edi Rama, i pranishëm sot në prezantimin e programit “Shkalla e Meritës” për administratën, njoftoi edhe krijimin e një ministrie të posaçme.

Rama u shpreh se javën e ardhshme do të krijohet Ministria e Administratës Publike.

Siç bëri me dije gjatë prezantimit, kjo ministri do të drejtohet nga Adea Pirdeni.

“Do të krijojmë javën e ardhshme Ministrinë e Administratës Publike, pikërisht se tanimë tema e administratës publike është një temë shumë qendore e punës së qeverisë dhe e shtetbërjes së mëtejshme europiane të Shqipërisë.

Është nevoja që përmes kësaj ministrie që e kanë shumë vende të tjera europiane, ne të zgjerojmë gamën e detyrave, punëve e ambicieve për të ngritur më lart shtetin europian të shqiptarëve.

Nuk diskutohet që Ministrinë e Administratës Publike mund ta drejtojë dhe ta çojë përpara vetëm ministrja e Shtetit për Administratën Publike, Adea Pirdeni”, tha ndër të tjera Rama./CNA