Prespa drejt UNESCOS/ Gonxhja: Prespa na bashkon përmes natyrës, historisë dhe kulturës së saj (VIDEO)

Shqipëria, Greqia dhe Maqedonia e Veriut do të bashkëpunojnë për përgatitjen e kandidaturës së rajonit të Prespës për përfshirjen në Listën e Trashëgimisë Botërore të UNESCO-s, me synim ruajtjen e vlerave natyrore, historike e kulturore dhe zhvillimin e turizmit të qëndrueshëm.

Ministri i Turizmit, Kulturës dhe Sportit, Blendi Gonxhja bëri të ditur sot se ndodhet në bashkinë e Prespës së bashku me ministren e Kulturës të Greqisë, Lina Mendoni dhe ministrin e Kulturës dhe Turizmit të Maqedonisë së Veriut, Sedat Sulejman për të nisur këtë proces të përbashkët.

“Prespa na bashkon përmes natyrës, historisë dhe kulturës së saj. Duam ta mbrojmë këtë pasuri dhe të krijojmë më shumë mundësi për komunitetet që jetojnë këtu dhe më shumë turizëm të qëndrueshëm. Bashkimi Europian do të vërë në dispozicion 2 milionë euro për hartimin e studimit të fizibilitetit për këtë kandidaturë treshtetërore”, tha Gonxhja.

Ministri Gonxhja u shpreh se “në pjesën shqiptare, restaurimi i pikturave murale në Kishën e Shën Marisë në Maligrad, ndriçimi i kishës dhe i shtegut, si edhe Shtëpia Muze e Sterjo Spasses në Gollomboç, kanë pasuruar ofertën kulturore dhe turistike të zonës”.

Po kështu, shtoi Gonxhja, projekti ACT4PRESPA, i financuar nga BE, bashkon institucione nga të tre vendet për konservimin, digjitalizimin dhe promovimin e vlerave të papërsëritshme të trashëgimisë së Prespës së Madhe e asaj të Vogël.

“Duam gjithashtu të zhvillojmë itinerare të përbashkëta turistike, misione kërkimore e ekspedita për njohjen dhe promovimin e Prespës dhe Ohrit, krahas shkëmbimeve artistike, sportive dhe rinore me fqinjët tanë”, tha Gonxhja.

Kandidatura e përbashkët për UNESCO-n synon të forcojë mbrojtjen e trashëgimisë ndërkufitare dhe të krijojë mundësi të reja zhvillimi për komunitetet lokale përmes turizmit të qëndrueshëm. A.K./TemA

Mbrëmje poetike te Kulla e Inglizit në Shkodër

15:36 Kulturë

Bienalja "i jep frymë" qytetit të Durrësit

13:30 Kulturë 1 koment

Një delegacion i nivelit të lartë nga Akademia e Arteve të Bukura të Leçes zhvilloi një takim në Universitetin e Arteve në Tiranë

11:28 Kulturë

Nobelistja Anne Carson në qendër të diskutimit në COD

09:38 Kulturë 1 koment

Ndërhyrje në Varret Monumentale të Selcës së Poshtme

09:25 Kulturë

Durrësi zgjedh një kompromis për “Gjergj Kastriotin” dhe vilën romake

19:44 Kulturë 2 komente

Vallja e Osman Takës në Listën Kombëtare të Trashëgimisë, Rama: Simbol i identitetit çam

18:30 Kulturë 8 komente

Zbulim arkeologjik pranë Lushnjës

17:38 Kulturë

Të kapërcesh urën (II)

16:39 Kulturë

Durrësi mirëpret Bienalen e Artit Bashkëkohor, Rama jehonë lajmit (FOTOT)

16:33 Kulturë