Granit Xhaka është përballur me një situatë të pakëndshme jashtë fushës së futbollit. Mesfushori dhe kapiteni i Sunderlandit raportohet se është ngacmuar verbalisht nga disa tifozë të Newcastle-it, të cilët i kanë rikujtuar çështjen e certifikatës së rreme të vaksinimit kundër COVID-19. Sipas raportimit të “Gazeta Sportal”, incidenti ka ndodhur teksa futbollisti zviceran po kalonte kohë me familjen. Disa tifozë dyshohet se i janë drejtuar me thirrjen “COVID”, duke iu referuar polemikave që kanë shoqëruar së fundmi emrin e tij. Përballja pretendohet se është filmuar dhe pamjet janë publikuar në rrjetet sociale.
Deri më tani, nuk ka një konfirmim të pavarur për të gjitha detajet e incidentit, ndërsa nuk dihet nëse Xhaka ka reaguar ndaj provokimeve apo si ka përfunduar përballja. Çështja qëndron në vëmendje pas pranimit nga vetë futbollisti, në shtator, se në vitin 2022, kur luante për Arsenalin, kishte siguruar një certifikatë të rreme vaksinimi kundër COVID-19. Xhaka e cilësoi atë veprim si gabim, duke shpjeguar se në atë periudhë kishte pasur shqetësime të mëdha lidhur me vaksinën.
Kështu, një episod nga e kaluara e tij është rikthyer në qendër të vëmendjes, këtë herë përmes një përballjeje të raportuar me tifozë kundërshtarë, jashtë fushës së lojës.
Granit Xhaka vs a Newcastle United fan https://t.co/TWdD83I2XT
— Total Football (@TotalFootball) October 9, 2026
Sondazh
Lexo gjithashtu
