Leli Kaja, administratori i inceneratorit të Elbasanit, i arrestuar nga SPAK për korrupsion është liruar nga burgu duke u caktuar masa arr...
KOSOVA
Akuzohet për disa vepra penale/ Gjykata e Prishtinës merr vendim për ish-administratorin e aeroportit të Vlorës
PiranjatPërditësimi i fundit 9 Tetor 2026, 20:53
Gjykata Themelore e Prishtinës ka vendosur masën e paraburgimit prej 30 ditësh për biznesmenin Valon Lluka, ish-drejtues i kompanisë Mabetex Holding, në pronësi të Behxhet Pacollit, si dhe ish-administrator i shoqërisë koncesionare të Aeroportit Ndërkombëtar të Vlorës.
Sipas informacioneve paraprake, vendimi gjyqësor u mor dy ditë pas ndalimit të tij me urdhër të Prokurorisë së Kosovës, teksa Lluka dyshohet për disa vepra penale, mes tyre mashtrim, shpërdorim të pasurisë së huaj, keqpërdorim të autorizimeve ekonomike dhe lidhje të kontratave të dëmshme. Emri i biznesmenit është përfshirë në një konflikt publik me Behxhet Pacollin pas largimit të tij nga administrimi i projektit të Aeroportit të Vlorës.
Pacolli e ka akuzuar Llukën për kryerjen e transfertave financiare pa autorizim, përfshirë një transaksion prej më shumë se 1.5 milionë eurosh gjatë vitit 2026 dhe një pagesë prej rreth 1.6 milionë eurosh në vitin 2025 drejt një kompanie në Abu Dhabi. Sipas pretendimeve të Pacollit, këto pagesa janë kryer për shërbime që nuk janë ofruar, ndërsa një tjetër pretendim lidhet me administrimin e fondeve të Aeroportit të Vlorës.
Pacolli ka ngritur dyshime se gjatë periudhës kur Lluka drejtonte shoqërinë koncesionare, fonde të projektit janë përdorur në mënyrë të parregullt, me qëllim përfitime personale ose për qëllime të tjera të dyshimta. Sipas deklarimeve të Pacollit, lidhur me këto çështje janë ndërmarrë hapa ligjorë dhe janë nisur hetime në Kosovë, Shqipëri dhe Emiratet e Bashkuara Arabe. Megjithatë, pretendimet ndaj Llukës mbeten objekt i procedurave ligjore dhe përgjegjësia e tij penale do të përcaktohet nga organet kompetente të drejtësisë.
