Presidenti amerikan Donald Trump ka njoftuar një marrëveshje me homologun rus Vladimir Putin për furnizimin e tregjeve amerikane dhe ndërkombëtare me sasi të mëdha nafte nga Rusia. Sipas njoftimit të tij, dërgesat do të nisin menjëherë, me synimin për të rritur ofertën dhe për të frenuar rritjen e çmimeve të karburanteve.
Në një postim në platformën Truth Social, Trump e cilësoi bisedën telefonike me Putinin si “jashtëzakonisht të suksesshme”. Ai bëri të ditur se Rusia do të dërgojë fillimisht mbi 300 mijë tonë dizel, ndërsa 500 mijë tonë të tjerë parashikohen për muajin nëntor. Më pas, sipas tij, do të pasojë një sasi prej 1 milion tonësh, si dhe deri në 3 milionë tonë të tjerë, në varësi të gjendjes së rafinerive ruse.
Nëse realizohen të gjitha sasitë e përmendura, furnizimet do të arrijnë deri në 4.8 milionë tonë. Trump pretendon se rritja e ofertës, së bashku me atë që ai e përshkruan si kontrollin amerikan mbi Ngushticën e Hormuzit, do të sjellë ulje të shpejtë të çmimeve të karburanteve në SHBA dhe në tregjet ndërkombëtare.
Sondazh
Lexo gjithashtu
