Durrës- Tre shoferë automjetesh janë arrestuar nga policia pasi tentuan të korruptonin efektivët e policisë Rrugore që të mos i gjobisnin për shkeljet e tyre.
Bëhet fjalë për dy raste në Durrës dhe një në Kavajë. Në foton e publikuar nga policia shihen qartë shuma të ndryshme parash, 500 lekë dhe 50 euro të futura nëpër lejet e qarkullimit.
Në pranga kanë rënë: K. M., 47 vjeç, E. A., 30 vjeç, të dy banues në Durrës dhe A. K., 35 vjeç, banues në Peqin, për veprat penale "Korrupsioni aktiv i personave që ushtrojnë funksione publike".
Materialet procedurale i kaluan Prokurorisë, për veprime të mëtejshme. Versus.al
Poll
