Burri i Kamala Harris nuk dëshiron që ajo të kandidojë përsëri për presidente

Bashkëshorti i ish-nënpresidentes amerikane Kamala Harris, Doug Emhoff, u ka thënë privatisht disa personave se do të preferonte që ajo të mos kandidonte sërish për presidente të Shteteve të Bashkuara, sipas personave të njohur me bisedat, raporton WSJ.

Ndërkohë, disa donatorë demokratë i kanë shprehur drejtpërdrejt Harris shqetësimet e tyre, duke e cilësuar një kandidim të mundshëm si një sfidë të vështirë politike.

Harris nuk ka vendosur ende nëse do të hyjë në garën presidenciale për herë të tretë. Megjithatë, lëvizjet e saj të fundit kanë shtuar spekulimet për një rikthim të mundshëm në garën për Shtëpinë e Bardhë.

Ajo ka zhvilluar biseda me donatorë të rëndësishëm, ka punësuar staf dhe ka udhëtuar në shtete kyçe për të mbështetur kandidatët demokratë përpara zgjedhjeve të mesit të mandatit, që do të mbahen në nëntor.

Këto zhvillime po mbajnë të hapur mundësinë e një kandidimi të ri të Harris, ndërsa brenda rrethit të saj politik duket se ekzistojnë pikëpamje të ndryshme për këtë çështje.

Ish-nënpresidentja ende nuk ka bërë një njoftim zyrtar për kandidaturën e saj të ardhshme presidenciale./ CNA