Pretendimet për dhunë policore ndaj dy të rinjve shqiptarë në Shkup, BDI kërkon dorëheqjen e zv.ministrit Iseni

Rasti i dy të rinjve shqiptarë, 21 dhe 23 vjeç, të cilët pretendojnë se janë dhunuar fizikisht nga pjesëtarë të policisë në Shkup, ka nxitur reagime politike dhe publike në Maqedoninë e Veriut.

Bashkimi Demokratik për Integrim (BDI) kërkon zbardhjen e plotë të ngjarjes dhe dorëheqjen e zëvendësministrit të Punëve të Brendshme, Astrit Iseni, duke kërkuar një hetim të menjëhershëm, të paanshëm dhe transparent për të gjitha rrethanat e rastit.

Sipas reagimit të BDI-së, ekzistojnë versione të ndryshme për atë që ka ndodhur gjatë ndërhyrjes policore. Në raportin e brendshëm të policisë, sipas partisë, pretendohet se dy të rinjtë i kanë marrë pistoletën një polici. Ndërsa të rinjtë deklarojnë se arma ka përfunduar në automjet pasi policia u ka thyer xhamin.

Ata pretendojnë gjithashtu se efektivët kanë qëlluar me armë zjarri, u kanë shpuar gomat e automjetit dhe më pas i kanë dhunuar fizikisht, pasi u kanë lidhur duart dhe i kanë shtrirë përtokë.

Rasti u bë publik pas raportimeve dhe publikimit të fotografive ku dy të rinjtë shfaqen me lëndime të dukshme në fytyrë. Megjithatë, rrethanat e ngjarjes dhe pretendimet e palëve mbeten për t’u verifikuar nga një hetim i plotë.

Në deklaratën e saj, BDI kërkon përgjegjësi institucionale për çdo shkelje të mundshme nga ana e zyrtarëve policorë, duke theksuar se të drejtat dhe dinjiteti i qytetarëve duhet të garantohen nga institucionet që kanë për detyrë t’i mbrojnë.

Senatorja amerikane Shaheen nga Tirana: SHBA të përqendrohet te ekonomia, stabiliteti dhe demokracia në Ballkan! Të mbahen përgjegjës ata që kërcënojnë stabilitetin

09:55 Rajoni

Profesori amerikan Daniel Serwer komenton ligjin për Specialen: BE-ja të vlerësojë ndryshimet, kompromisi për Presidenten ishte pozitiv

09:35 Rajoni

Ndryshimet e ligjit për Gjykatën Speciale, a i rrezikon Kosova raportet me Perëndimin?

09:05 Rajoni

Vrau gruan dhe vëllain e saj, plagosi kushëririn e tyre dhe u vetëdorëzua! Ja çfarë thotë prokuroria për krimin e rëndë në Kosovë

08:04 Rajoni

Ligji i ri për Specialen, a do të kthehet katërshja e UÇK-së në Kosovë? Avokati i Popullit: Situata është e ndërlikuar

21:50 Rajoni 1 koment

Rokada e ambasadorëve në rajon/ Meidani dhe Malaj zbulojnë prioritetet e mandateve

21:20 Rajoni 1 koment

Kamberi i përgjigjet kërcënimit të Vuçiç: Shqiptarët nuk do ndahen as pas zgjedhjeve

21:00 Rajoni 2 komente

Aksident zinxhir në aksin Prishtinë-Gjilan, disa të plagosur

20:30 Rajoni

Interpol godet trafikun ndërkombëtar të armëve, 152 të arrestuar dhe mbi 2800 armë të sekuestruara

19:20 Rajoni

Shpërthim në një rafineri në Greqi, humb jetën 43-vjeçari shqiptar! Në gjendje kritike një tjetër

18:20 Rajoni