Berisha: Deputetët socialistë tradhtuan votuesit e tyre sepse ata janë hajna dhe asgjë tjetër

Kreu i Partisë Demokratike, Sali Berisha, ka akuzuar deputetët socialistë se kanë tradhtuar qytetarët që i kanë votuar, duke mbështetur reformën territoriale që parashikon eliminimin e disa bashkive.

Duke komentuar qëndrimin e përfaqësuesve të mazhorancës, Berisha deklaroi se ata nuk mbrojnë interesat e qytetarëve, por ato që i cilësoi si interesa personale dhe të lidhura me krimin.

Berisha solli si shembull Divjakën, ku sipas tij qytetarët kanë protestuar për një muaj kundër shkrirjes së bashkisë, ndërsa deputeti socialist u ka garantuar se ajo do të mbetet.

Kreu i PD-së kritikoi gjithashtu qëndrimin e kryetarit të bashkisë, duke e akuzuar se nuk u është bashkuar protestuesve.

Pyetje-përgjigje

Ludovik Tetaj, nga Teksasi një pyetje, thotë: Si ka mundësi që i prenë në besë deputetët e Partisë Socialiste votuesit e tyre nëpër bashkitë ku ata do të eliminohen?

Sali Berisha: Pyetje interesante Ludovik.

Mendja më shkonte të thosha që u sollën si banditë. Por nuk mund të thuash se çdo bandit është i pabesë. Jo. Ka banditë që dhe besë kanë edhe e mbajnë në atë mënyrën e tyre.

Të them se ata janë amoralë, politikisht, ata nuk kanë asnjë interes tjetër përveç interesave të pasurisë së tyre të krimit.  Ndaj dhe, të presësh prej tyre që të mbrojnë interesat e qytetarëve, është iluzion, mashtrim i vetes. Treguan fytyrën e vërtetë ndaj atyre zgjedhësve.

Divjaka, një muaj në protestë qytetarët çdo natë, deputeti socialist, se s'është deputet ai, është deputet i krimit, thoshte se 'Divjaka aty do mbetet, aty do jetë'.

Ky ishte arsyetimi. Çfarë mund t'i thuash këtij fundamentalisti? Që asgjëson çdo lloj argumenti. Kurse kryetari, Gorrea, mbronte vjedhjet e tij dhe nuk vinte në protestë.

Çfarë mund t'u thuash këtyre? Këta janë hajna dhe s'janë asgjë tjetër.