Berisha: Rama ka përdorur Vlora Hysenin në funksion të survejimit të kundërshtarëve të tij brenda Partisë...
"Votova pro territoriales që mos të ikja nga PS"/ Rama e kërcënoi me përjashtim, Braçe: Kam prishur një pla...
132 ditë protestë/ Qytetarët marshojnë drejt Kryeministrisë: Poshtë narkoshteti 9 Tetor, 19:12 ...
“Do fillojë një proces vlerësimi që shkon nga lart-poshtë”/ Rama paralajmëron administratën publi...
• Kryetari i Partisë Demokratike, Sali Berisha, gjatë bashkëbisedimit të sotëm online me qytetarët, ka deklaruar se rikthimi i bashkive dhe zgjerimi i njësive të qeverisjes vendore do të jenë ndër angazhimet e para të një qeverie të ardhshme të drejtuar nga PD. • Ai u shpreh se parlamenti i ardhshëm do të miratojë një hartë të re territoriale, duke rikthyer qeverisjen vendore më pranë komuniteteve. • Berisha garantoi se projekti i demokratëve për 100 bashki do të realizohet, duke lënë të hapur mundësinë për krijimin e njësive të tjera vendore. • Sipas tij, reforma territoriale e miratuar nga mazhoranca socialiste largon shërbimet nga qytetarët dhe përshpejton shpopullimin e vendit. • Gjatë bashkëbisedimit, lideri i opozitës cilësoi rikthimin e qeverisjes vendore si një nga shtyllat kryesore të politikave për ripopullimin e Shqipërisë, duke akuzuar kryeministrin Edi Rama se përmes ndryshimeve territoriale synon të dobësojë komunitetet dhe të largojë banorët nga zonat e tyre. • Berisha sulmoi Edi Ramën për votimin në Kuvend për ndryshimet territoriale, duke deklaruar se asgjësimi i 15 bashkive është bërë në kundërshtim me interesat e qytetarëve dhe parimet e qeverisjes vendore. • Ai tha se PD do të përdorë të gjitha rrugët ligjore për të kundërshtuar vendimin, megjithëse shprehu skepticizëm për funksionimin e institucioneve të drejtësisë. • Berisha foli edhe për programin ekonomik të Partisë Demokratike. Ai u shpreh se, vendosja e minimumit jetik 200 euro është një nga vendimet e para që qeverisja demokratike do të marrë, dhe rritja e pagave e pensioneve do të jenë prioritete, duke deklaruar se ndërhyrjet e para do të ndërmerren që në vitin e parë pas ardhjes së PD-së në pushtet. • Kryedemokrati akuzoi gjithashtu qeverinë për përqendrimin e përfitimeve ekonomike te oligarkët dhe zyrtarët, ndërsa qytetarët, sipas tij, përballen me paga dhe pensione të ulëta dhe me çmime të larta. • Ai u shpreh se, do të merren masa për përmirësimin e shërbimeve shëndetësore, arsimit dhe mbështetjes sociale, si dhe një klimë më të favorshme për biznesin. • Ai kritikoi edhe ndryshimet e propozuara në Kodin e Procedurës Penale, për të cilat pretendoi se kufizojnë hetimet e korrupsionit dhe zhvlerësojnë prova të rëndësishme. • Ai akuzoi qeverinë për përpjekje për të dobësuar institucionet e drejtësisë dhe për të kufizuar raportimin mediatik. • Kryetari i PD u shpreh gjatë bashkëbisedimit se, PD do të vijojë betejën politike kundër qeverisë Rama, duke e paraqitur ripërtëritjen e vendit, luftën kundër korrupsionit dhe përmirësimin e mirëqenies si shtyllat kryesore të programit të saj.
3 artikuj për këtë temë.
TIRANË- Kreu i Partisë Demokratike, Sali Berisha, akuzoi kryeministrin Edi Rama se ka përdorur ish-drejtoreshën e SHISH-it, Vlora Hyseni, për survejimin e kundërshtarëve politikë, përfshirë edhe kundërshtarët e tij brenda Partisë Socialiste. Berisha i cilësoi antikushtetuese rrëzimin e kërkesës së PD-së për mocion me debat në Kuvend dhe pretendoi se opozitës iu mohua një e drejtë kushtetuese.
Gjithashtu Berisha ngriti akuza të rënda për përdorimin e SHISH-it dhe AKSHI-t, duke pretenduar se janë kryer regjistrime të paligjshme të opozitarëve dhe se të dhëna shtetërore, përfshirë ato të sistemit TIMS, u janë përcjellë organizatave kriminale dhe armiqve të Shqipërisë.
"Rrëzimi i mocionit me debat nga deputetët e krimit dhe parlamenti i krimit ka dy aspekte. Aspekti i parë është një akt antikushtetues. Qytetarët duhet ta dinë se opozitës shqiptare iu mohua e drejta kushtetuese e mocioneve me debat. Aspekti tjetër është se Edi Rama ka përdorur Vlora Hysenin dhe institucionin që ajo ka drejtuar, në funksion të karteleve të drogës, organizatave kriminale dhe kundër interesave të vendit. Ka përdorur Vlora Hysenin në funksion të survejimit të opozitës shqiptare.
Ka përdorur Vlora Hysenin në funksion të survejimit të kundërshtarëve të tij brenda Partisë Socialiste. Janë bërë me qindra e qindra regjistrime të paligjshme ndaj opozitarëve. Janë transferuar tek kartelet e Troplinit, Çelës dhe kartele të tjera të drogës, por dhe të armiqve të Shqipërisë, çdo sekret shtetëror, përfshi të dhënat e TIMS-it. Vlora Hyseni shndërroi Shërbimin Informativ Kombëtar, një shërbim që, duhet ta themi, ka kryer detyra jashtëzakonisht të rëndësishme për vendin, por dhe për partnerët tanë, e shndërroi në një strofull kriminelësh, delinkuentësh dhe shtojcë të organizatave kriminale.
Vlora Hyseni rezulton anëtare e grupit të strukturuar kriminal më të rrezikshëm të Evropës, grupit të Ergys Agasit, grup i cili ka përdorur AKSHI-n dhe Vlora Hysenin për të regjistruar në kundërshtim me Kushtetutën opozitarët, për të regjistruar shërbimet diplomatike dhe misionet diplomatike në shkelje flagrante të Konventës së Vjenës, për t'ia transmetuar të dhënat armiqve të Shqipërisë. Vlora Hyseni u emërua në krye të Shërbimit Informativ Kombëtar për ato motive që u shkarkua nga drejtimi i Shërbimit Informativ Kombëtar të Kosovës, për shkarkimin dhe zhdukjen e të dhënave të këtij shërbimi në drejtim të Beogradit me siguri," tha Berisha./Dosja.al
TIRANË- Kryetari i Partisë Demokratike, Sali Berisha, gjatë bashkëbisedimit të sotëm online me qytetarët, ka deklaruar se rikthimi i bashkive dhe zgjerimi i njësive të qeverisjes vendore do të jenë ndër angazhimet e para të një qeverie të ardhshme të drejtuar nga PD. Ai u shpreh se parlamenti i ardhshëm do të miratojë një hartë të re territoriale, duke rikthyer qeverisjen vendore më pranë komuniteteve.
Berisha garantoi se projekti i demokratëve për 100 bashki do të realizohet, duke lënë të hapur mundësinë për krijimin e njësive të tjera vendore. Sipas tij, reforma territoriale e miratuar nga mazhoranca socialiste largon shërbimet nga qytetarët dhe përshpejton shpopullimin e vendit.
"I garantoj të gjithë qytetarët e këtyre bashkive, garantoj të gjithë qytetarët shqiptarë se ato do rikthehen plotësisht. Se 100 bashkitë e premtuara do bëhen realitet, dhe se një numër tjetër i konsiderueshëm bashkish dhe komunash do jenë realitet. Rikthimi do të jetë një nga shtyllat kryesore të ripopullimit të Shqipërisë. Edi Rama përdori asgjësimin e qeverisjeve vendore në mbarë vendin për të shpopulluar Shqipërinë, për të zbrazur Shqipërinë. Platformë e Çubrilloviçit, i cili thotë: largojani qeverisjen, largojani shërbimet në mënyrë që shqiptarët të mërziten dhe të lënë vatrat e tyre. Këtë bëri Edi Rama, për të cilin me shumë të drejtë Michael Martens thotë se është kryeministri më i mirë i Serbisë pas Pashiçit. Dhe lexohet vetë ‘armiku më i egër i shqiptarëve pas Pashiçit’," tha Berisha./Dosja.al
TIRANË- Kreu i Partisë Demokratike, Sali Berisha, ka zhvilluar bashkëbisedimin e radhës me ndjekësit në rrjetet sociale, ku ka komentuar edhe regjistrimet që lidhen me Ergys Agasin. I pyetur nga një qytetare nëse në videot që po përfliten shfaqet edhe kryeministri Edi Rama, Berisha deklaroi se sipas informacioneve që disponon, Rama është filmuar në një video.
"Në fakt, unë zonja Dushi e kam denoncuar këtë dhe informatat që unë kam, ai është i filmuar në një video. Por të garantoj një gjë, që ai person nuk turpërohet nga asnjë video, nga asnjë akt, nga asgjë. Ai ka humbur çdo standard moral të njeriut të qytetëruar," tha Berisha./Dosja.al
