Berisha: Rama ka përdorur Vlora Hysenin në funksion të survejimit të kundërshtarëve të tij brenda Partisë...
"Votova pro territoriales që mos të ikja nga PS"/ Rama e kërcënoi me përjashtim, Braçe: Kam prishur një pla...
132 ditë protestë/ Qytetarët marshojnë drejt Kryeministrisë: Poshtë narkoshteti 9 Tetor, 19:12 ...
“Do fillojë një proces vlerësimi që shkon nga lart-poshtë”/ Rama paralajmëron administratën publi...
Nuk është më thjesht çështje morali apo shijeje. Është çështje vlerash, modeli shoqëror dhe mënyre jetese. Kur dëshira e verbër për të fituar para bëhet më e rëndësishme se mënyra se si i fiton, atëherë diçka thelbësore ka dalë nga vendi.
Në Shqipëri, duket se gjithçka mund të kthehet në para: pushteti, fama, trupi, marrëdhëniet dhe madje edhe turpi. Mjafton të shohësh paradën e luksit të personazheve publikë, skandalet që përfshijnë zyrtarë e politikanë dhe spektaklin që ndërtohet rreth tyre. Të gjithë duken sikur fitojnë, ndërsa qytetari i zakonshëm përpiqet të mbijetojë.
Nuk është më thjesht çështje morali apo shijeje. Është çështje vlerash, modeli shoqëror dhe mënyre jetese. Kur dëshira e verbër për të fituar para bëhet më e rëndësishme se mënyra se si i fiton, atëherë diçka thelbësore ka dalë nga vendi.
Makina luksoze, çanta firmato, pushime përrallore dhe dhurata marramendëse reklamohen si dëshmi suksesi. Por rrallë pyetet se nga vjen kjo pasuri. Jo çdo luks fsheh diçka të dyshimtë dhe jo çdo personazh publik ka një histori për të justifikuar. Megjithatë, kur ekspozimi i trupit, shitja e përmbajtjes intime dhe dyshimet për shfrytëzim ndërthuren me reklamimin e një jete pa kufij financiarë, lind pyetja: çfarë modeli suksesi po u shesim të rinjve tanë?
Në këtë treg, duket sikur nuk ka më rëndësi çfarë bën, por sa vëmendje arrin të shesësh.
Në anën tjetër, institucionet publike prodhojnë skandalet e tyre. Politikanë e zyrtarë përballen me hetime dhe akuza për korrupsion, ndërsa dyshimet për lidhje me persona të botës kriminale ngrenë pikëpyetje mbi integritetin e institucioneve. Kur pushteti dyshohet se përdoret për interesa private, problemi nuk është jeta intime e individit, por mundësia që ajo të jetë kthyer në mjet ndikimi, favorizimi apo abuzimi.
E njëjta logjikë shfaqet edhe në botën e spektaklit, ku dyshimet për favore seksuale në këmbim të vendeve të punës, roleve apo çmimeve artistike shpesh trajtohen si thashetheme pikante. Por kur mundësia profesionale kushtëzohet me favore intime, nuk kemi të bëjmë me një histori për t'u konsumuar nga kurioziteti, por me pushtet dhe shfrytëzim.
Sigurisht, akuza nuk është dënim dhe hetimi nuk është fajësi. Por as fama dhe as pushteti nuk duhet të shërbejnë si mburojë ndaj llogaridhënies.
Ne ndërkohë qeshim me memet, shpërndajmë batutat dhe kalojmë te skandali i radhës. Ajo që dikur do të na trondiste, sot na argëton. Kështu, pak nga pak, abuzimi normalizohet, ndërsa dallimi mes meritës dhe privilegjit bëhet gjithnjë e më i paqartë.
Por kjo vorbull nuk është aq larg nesh sa mendojmë. Kur të rinjtë shohin se luksi merr më shumë vëmendje se puna, fama më shumë se talenti dhe lidhjet më shumë se merita, ata marrin një mesazh të qartë për mënyrën se si funksionon shoqëria. Dhe këtë mesazh e marrin edhe fëmijët tanë.
Larg kësaj skene është Shqipëria e njerëzve që zgjohen herët, punojnë, paguajnë faturat dhe bëjnë llogaritë deri në fund të muajit. Njerëz që përpiqen të kursejnë për shkollimin e fëmijëve, për një shtëpi apo për disa ditë pushime. Pa sponsorë, pa dyer të hapura dhe pa rrugë të shkurtra drejt luksit.
Ata ngjajnë me një notar që përpiqet të dalë në sipërfaqe, duke lëvizur krahët e këmbët me gjithë fuqinë që i ka mbetur. Nuk kërkojnë luksin e të tjerëve. Përpiqen të marrin frymë, të mbajnë familjen dhe t'u japin fëmijëve një të ardhme më të mirë. Ndërkohë, çmimet rriten dhe paratë gjithnjë e më pak mjaftojnë.
Problemi nuk është se dikush ka para, ekspozon trupin apo zgjedh një mënyrë të caktuar jetese. Problemi nis kur pasuria ngatërrohet me suksesin, dukja me meritën dhe pushteti me të drejtën për të bërë gjithçka.
Asnjë filtër nuk mund ta zbukurojë përgjithmonë realitetin. Asnjë fasadë nuk mund të fshehë hendekun mes atyre që përpiqen të jetojnë me punë të ndershme dhe atyre që reklamojnë privilegje, ndërsa burimi i tyre mbetet i paqartë.
Ndoshta para ka pasur gjithmonë. Por sot, mënyra e fitimit kthehet në spektakël, spektakli në famë dhe fama në një model që të tjerët duan ta kopjojnë.
Prandaj, pyetja nuk është vetëm si i fitojnë paratë disa njerëz. Pyetja është se çfarë po u mësojmë fëmijëve tanë: të punojnë për të arritur diçka apo të kërkojnë rrugën më të shkurtër? Të ndërtojnë vlera apo të kultivojnë një fasadë?
Sepse turpi më i madh nuk është se disa e kanë kthyer gjithçka në biznes. Është se ne rrezikojmë të mësohemi me idenë se kështu funksionon jeta.
Edlira Muka BALFIN është një grup ndërkombëtar investimesh me aktivitet në 13 shtete, në Evropë dhe Amerikën e...
pamjet TIRANË- Kreu i Partisë Demokratike, Sali Berisha ka publikuar një video në rrjetet sociale, ku tregon gjimnazistët e ...
Foto ilustruese KOSOVË- Rasti i rëndë që tronditi fshatin Kërvasari të Malishevës, ku një grua humbi jetën pas...
TURQI- Numri i viktimave nga masakra në Mersin të Turqisë është rritur, duke shkuar në gjashtë. Mësohet se autori q&eu...
Foto ilustruse SHBA- Presidenti amerikan, Donald Trump, ka tërhoqur kërcënimet për të imponuar shtesë tarifat ...
GJIRI I LALZIT- Një ngjarje e pa zakontë është regjistruar ditën e sotme nga një qytetar në rrugët e Gjirit të...
TIRANË- Të rinjtë dhe të rejat e Partisë Social Demokrate kanë shpërndarë fletëpalosjet e kandida...
Foto ilustruese SHQIPËRI- Doganat në vend po përballen me rrallë të gjata. Burime për Dosja.al bëjnë me dije s...
Ilir Beqaj TIRANA- Ish-ministri i Shëndetësisë, Ilir Beqaj, i thirrur për të dëshmuar sot në Komisionin hetimor të ...
Ilir Beqaj TIRANA- Ish-ministri i Shëndetësisë Ilir Beqaj është thirrur sot për të dëshmuar në Ko...
