Google sjell kolegun virtual, Gemini planifikon punën dhe kryen detyra brenda aplikacioneve të zyrës 10/10 16:56
Skema e ngjyrave
Madhësia e shkrimit
Me erëra që arrijnë deri në 169 kilometra në orë, uragani Isaias mbërriti të premten në mbrëmje pranë qytetit Destin, në Florida. Qendra Kombëtare e Uraganeve paralajmëroi për ngritje të rrezikshme të ujërave detare dhe përmbytje të menjëhershme, ndërsa stuhia përparon drejt brendësisë.
Në Pensacola, gazetarët e AFP-së panë erën të shkulte çati banesash e biznesesh dhe të thyente degë pemësh. “Gjërat fluturojnë me shpejtësi. Nuk kam parë kurrë erë kaq të fortë. Është e frikshme”, tha një banor. Mbi 300 mijë abonentë në Florida dhe 200 mijë në Alabama mbetën pa energji elektrike.
Në disa qarqe janë urdhëruar evakuime të detyrueshme, ndërsa dy aeroporte në veriperëndim të Floridës kanë pezulluar fluturimet. Pranë kufirit mes Floridës dhe Alabamës, autoritetet paralajmërojnë se uji mund të arrijë deri në 2.7 metra mbi zonat zakonisht të thata.
Reshjet kërcënojnë edhe me dalje të lumenjve nga shtrati. Guvernatori Ron DeSantis tha se personeli dhe furnizimet për ndërhyrje janë bërë gati. Presidenti Donald Trump anuloi një vizitë të planifikuar në Alabama. Isaias ka goditur edhe sektorin energjetik.
Evakuimi i platformave në Gjirin e Meksikës ka ndalur përkohësisht rreth 71 për qind të prodhimit të naftës, duke hequr nga tregu afro 1.5 milionë fuçi në ditë. Ujërat jashtëzakonisht të ngrohta të Gjirit ndihmuan fuqizimin e shpejtë të uraganit.
Top Channel
