Goli me Kombëtaren i sjell fat, fantazisti kuqezi shënon sërish

Ernest Muçi ka shënuar golin e tij të dytë sezonal në Super Ligën e Turqisë, duke ndihmuar Trabzonsporin të fitojë ndaj Samsunsporit.

Pas realizimit me Kombëtaren shqiptare në Ligën e Kombeve, fantazisti gjeti sërish rrugën e rrjetës në kampionat.

Në minutën e 28-të, Muçi shfrytëzoi asistin e Eskihellac dhe kaloi në avantazh skuadrën e tij me një gjuajtje të saktë.

Goli i shqiptarit i hapi rrugën fitores së Trabzonsporit, që arriti të shënonte edhe dy herë të tjera. Në fund të pjesës së parë, Kabasakal u ndëshkua me karton, duke lënë Trabzonsporin me 10 lojtarë.

Në fillimin e pjesës së dytë, trajneri vendosi të zëvendësonte Muçin, pasi skuadra e kishte siguruar avantazhin. Përveç dy golave, 25-vjeçari numëron edhe dy asiste në këtë sezon të kampionatit turk.

Me këtë fitore, Trabzonspori ngjitet në vendin e tretë me 13 pikë, tri më pak se Galatasaray kryesues.