Dhurata speciale nga Lionel Messi për talentin Brajan Gruda

Brajan Gruda ka marrë një dhuratë të veçantë nga Lionel Messi, një palë këpucë futbolli të edicionit të kufizuar “Adidas F50 Messi – El Último Tango”.

Modeli special lidhet me karrierën e jashtëzakonshme të yllit argjentinas dhe, sipas raportimeve, janë prodhuar vetëm 208 palë në të gjithë botën, në referencë të 208 ndeshjeve të Messit me kombëtaren e Argjentinës.

Dhurata për talentin me origjinë shqiptare është shoqëruar edhe me një kartolinë të firmosur nga tetë herë fituesi i Topit të Artë.

Ky gjest përbën një moment të veçantë për Grudën, i cili konsiderohet një nga emrat interesantë të brezit të ri të futbollit.

Një dhuratë e rrallë nga një prej legjendave më të mëdha të historisë së futbollit, që e bën këtë moment edhe më të veçantë për futbollistin shqiptar.