Një sulm me raketë ka goditur sërish Aeroportin Ndërkombëtar King Khalid në Riad të Arabisë Saudite, duke shkaktuar shpërthim, të plagosur dhe evakuimin e pasagjerëve nga një pjesë e terminalit. Sipas raportimeve të Reuters dhe Associated Press, raketa goditi terminalin e pasagjerëve, ndërsa disa persona mbetën të plagosur. Në aeroport mbërritën dhjetëra ambulanca për të transportuar të lënduarit drejt spitaleve.
Sulmi vjen në një kohë kur Arabia Saudite po përballet me një seri goditjesh me raketa nga rebelët Huthi të Jemenit. Grupi ka marrë përsipër sulme të mëparshme ndaj objektivave saudite, ndërsa autoritetet saudite nuk kanë dhënë ende një deklaratë të plotë për incidentin e fundit.
Pas shpërthimit, fluturimet drejt Riadit u devijuan ose u anuluan, ndërsa disa kompani ajrore, përfshirë Kuëait Airëays, Etihad Airëays dhe Qatar Airëays, pezulluan udhëtimet drejt dhe nga kryeqyteti saudit. Disa prej anulimeve pritet të zgjasin deri të hënën. Administrata e aeroportit u ka kërkuar pasagjerëve të kontaktojnë kompanitë ajrore dhe të verifikojnë statusin e fluturimeve përpara se të nisen drejt terminalit.
Sulmi i fundit pason goditjet e ditëve të mëparshme ndaj aeroportit dhe një avioni të kompanisë Saudia, të cilat, sipas autoriteteve saudite, shkaktuan viktima dhe dëme materiale.
Sondazh
Lexo gjithashtu
