Cisterna e naftës u përfshi nga flakët në Gjirin Persik, Emiratet e Bashkuara Arabe shpëtojnë 22 persona

Garda Kombëtare e Emirateve të Bashkuara Arabe tha të shtunën se shpëtoi 22 shtetas aziatikë pasi një zjarr shpërtheu në bordin e një anijeje cisternë nafte në ujërat e Gjirit.

Në një deklaratë, Garda Kombëtare tha se Grupi i saj i Rojës Bregdetare mori një thirrje për ndihmë nga ekuipazhi i cisternës që raportonte një zjarr në bord dhe menjëherë nisi një operacion reagimi.

Ekipet e specializuara e gjetën anijen, e arritën atë dhe shpëtuan të 22 anëtarët e ekuipazhit, thuhet në deklaratë.

Anëtarët e ekuipazhit të shpëtuar morën ndihmën e parë përpara se t'u dorëzoheshin autoriteteve përkatëse.

Të 22 personat u raportua se ishin në gjendje të qëndrueshme./ AA.