Policia e Shtetit ka dalë me një njoftim zyrtar për shpërthimin e ndodhur mbrëmjen e sotme në Gjirokastër, duke sqaruar se nga ngjarja nuk ka viktima, ndryshe nga informacionet paraprake që qarkulluan fillimisht.
Sipas uniformave blu, rreth orës 22:00, në bulevardin “18 Shtatori”, një automjet tip “Benz” ka shpërthyer në lëvizje. Mjeti ishte në pronësi të shtetasit me inicialet B.D.
Si pasojë e shpërthimit, kanë mbetur të dëmtuar pronari i automjetit, B.D., dhe shtetasi R.M. Të dy janë transportuar në spital, ku po marrin ndihmën e nevojshme mjekësore.
Ndërkohë, ekspertët e kriminalistikës kanë mbërritur në vendngjarje dhe po kryejnë veprimet hetimore për të përcaktuar shkaqet dhe rrethanat e plota të shpërthimit.
Njoftimi i policisë:
Rreth orës 22:00, në bulevardin “18 Shtatori”, dyshohet se ka shpërthyer automjeti tip “Benz”, në pronësi të shtetasit B. D., i cili ishte në lëvizje.
Si pasojë e shpërthimit, kanë mbetur të dëmtuar shtetasit B. D. dhe R. M., të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe vijon punën për sqarimin e rrethanave të rastit dhe përcaktimin e saktë të shkakut të shpërthimit
Sondazh
Lexo gjithashtu
