Një supertanker me naftë bruto dyshohet se ka shpërthyer pasi ka goditur një minë detare në Ngushticën e Hormuzit. Lajmi është bërë i ditur nga Garda Revolucionare e Iranit, përmes një deklarate të publikuar nga agjencia Tasnim.
Sipas autoriteteve iraniane, anija po lundronte drejt daljes nga ngushtica përmes një rruge të cilën Teherani e konsideron të paautorizuar. IRGC pretendon se tankeri kishte çaktivizuar edhe sistemet e navigimit.
Në deklaratën e saj, Garda Revolucionare paralajmëroi për pasoja ndaj anijeve që nuk respektojnë rregullat e lundrimit në këtë korridor strategjik.
Deri më tani nuk është bërë i ditur identiteti i anijes dhe nuk ka informacion të konfirmuar për viktima, të plagosur apo përmasat e dëmeve. Shkaku i shpërthimit mbetet i pakonfirmuar nga burime të pavarura.
Sondazh
Lexo gjithashtu
