Shpërthimi që tronditi Gjirokastrën/ Humb jetën njëri nga të plagosurit, po transportohej drejt Traumës

Një person ka humbur jetën pas shpërthimit të një automjeti tip “Mercedes-Benz” mbrëmjen e së shtunës në qendër të Gjirokastrës.

Ngjarja ndodhi rreth orës 22:00 në bulevardin “18 Shtatori”, pranë godinës së Drejtorisë Vendore të Policisë dhe Gjykatës së Gjirokastrës. Automjeti ishte në lëvizje në momentin kur ndodhi shpërthimi dhe më pas përfundoi mbi trafikndarëse.

Në mjet ndodheshin Beqir Devolli, i cili e drejtonte atë, dhe Rigels Mela. Të dy mbetën të plagosur dhe u transportuan fillimisht për ndihmë mjekësore në spital.

Devolli ishte në gjendje të rëndë dhe u nis drejt Spitalit të Traumës në Tiranë për trajtim më të specializuar. Në orët e para të mëngjesit të së dielës, ai humbi jetën gjatë transportimit drejt kryeqytetit.

Rigels Mela, personi tjetër që ndodhej në automjet, është jashtë rrezikut për jetën.

Shpërthimi i së shtunës ishte i fuqishëm dhe u dëgjua në një pjesë të madhe të qytetit, duke shkaktuar panik te banorët dhe kalimtarët në zonën e bulevardit “18 Shtatori”.

Deri në këto momente, Policia e Gjirokastrës nuk ka dhënë një version përfundimtar për shkakun e shpërthimit. Paraprakisht dyshohet se mund të jetë përdorur lëndë eksplozive, ndërsa ekspertiza pritet të përcaktojë natyrën dhe sasinë e saj.

Gjatë orëve të para të mëngjesit të së dielës në Gjirokastër ka mbërritur edhe një grup specialistësh nga Tirana, të cilët po punojnë së bashku me grupin hetimor për zbardhjen e plotë të ngjarjes.

Dyshimet paraprake kanë qenë se objektiv i mundshëm i sulmit mund të ketë qenë Rigels Mela. Në prill të vitit 2025, edhe automjeti i tij ishte përfshirë nga flakët pas një shpërthimi, ndërsa mbetet për t’u përcaktuar nëse mes dy ngjarjeve ekziston ndonjë lidhje.

Hetimet vijojnë për të përcaktuar dinamikën e shpërthimit dhe për të identifikuar personat që mund të kenë lidhje me ngjarjen.

Inxhinieri shqiptar i zhdukur: Erkan Nika humbi pas sulmit në Detin e Zi, babai i të riut: Apel shtetit për ndihmë

16:05 Kronika 1 koment

Goditet grupi i shqiptarëve në Itali, policia zbulon si hynin në banesa ndërsa familjarët flinin

15:45 Kronika 3 komente

Mbante të fshehur një pistoletë dhe kanabis teksa kalonte në kufi, arrestohet në Kakavijë 51-vjeçarja gjermane

15:15 Kronika

Fshihen videot intime të artistëve, pas ankesës në AMA, “zhduken” nga Tik Tok 45 materiale

14:25 Kronika 16 komente

Dyshime për rrëmbim! Humbet kontakti me Inez Hajrullën, policia verifikon pistën e zhdukjes së tij

13:45 Kronika 1 koment

Hodhën vezë ndaj makinës së Ramës, Gjykata lë të lirë dy protestuesit

13:35 Kronika 8 komente

Ndodh në Shkodër - Transportonte 7 emigrantë nga Filipinet dhe Afganistani drejt Malit të Zi, arrestohet 23-vjeçari

12:05 Kronika 1 koment

Ambasadori amerikan takon drejtuesin e SPAK dhe kreun e BKH (VIDEO)

11:35 Kronika 1 koment

Tentuan të korruptonin policinë për t’iu shpëtuar gjobave, vendosen nën hetim 3 persona në Durrës!

11:05 Kronika

Tiranë - Arrestohen dy persona, sekuestrohen 25 makineta të modifikuara ilegalisht

10:35 Kronika 1 koment