Enzo Maresca ka zgjedhur t’u dërgojë një mesazh të qartë futbollistëve të Manchester Cityt, teksa skuadra përgatitet për një varg ndeshjesh vendimtare dhe klubi përballet me pasiguri për të ardhmen për shkak të çështjes financiare në Ligën Premier.
Të lidhura
None found
“Daily Mail” raporton se trajneri italian zhvilloi një takim të shkurtër me lojtarët, gjatë të cilit i paralajmëroi të mos lejonin që zhvillimet jashtë fushës të ndikonin në përqendrimin e tyre.
“Lëreni mënjanë gjithë këtë zhurmë. Jemi këtu për ta fituar ligën. Tani le të shkojmë dhe ta fitojmë”, mësohet t’u ketë thënë Maresca lojtarëve të tij.
Sipas një burimi nga dhoma e zhveshjes, mënyra e vendosur me të cilën trajneri përcolli fjalët e tij ka ndikuar pozitivisht te futbollistët. Ata thuhet se janë të bashkuar dhe të gatshëm të luftojnë për objektivat e klubit.
Ndërkohë, Manchester City vijon të jetë i përfshirë në një proces të rëndësishëm jashtë fushës. Klubi ka apeluar përfundimet e komisionit të pavarur mbi 115 shkelje të pretenduara të rregullave financiare të Ligës Premier.
Raportimi thekson se seanca e apelit pritet të zhvillohet para pragut të Krishtlindjeve, por deri tani nuk është përcaktuar një datë konkrete.
