Papa Leo XIV ka njoftuar se do t’i nënshtrohet një ndërhyrjeje kirurgjikale për heqjen e një nyjëze të lokalizuar në mushkëri, e cila është zbuluar gjatë kontrolleve mjekësore në një fazë shumë të hershme.
“Gjatë disa kontrolleve, mjekët zbuluan një nyjë të lokalizuar në mushkërinë time. U zbulua në një fazë shumë të hershme dhe është i përcaktuar mirë. Mjekët e konsiderojnë të këshillueshme të ndërhyjnë, kështu që, duke ndjekur këshillën e tyre, kam vendosur t'i nënshtrohem një operacioni për ta hequr atë,” u tha Papa të mbledhur në Sheshin e Shën Pjetrit për lutjen Angelus sot.
Një nyjëz pulmonare është një formacion i vogël indi në mushkëri, i cili në shumicën e rasteve është beninj, pra jo kancerogjen.
Papa deklaroi se ndërhyrja kirurgjikale ishte planifikuar të kryhej në ditët në vijim. Një zëdhënës i Vatikanit bëri të ditur se operacioni pritet të zhvillohet në fillim të javës së ardhshme dhe se Papës do t’i nevojitet rreth një javë qëndrimi në spital për rikuperim.
Sondazh
Lexo gjithashtu
