Papa Leo XIV do t’i nënshtrohet ndërhyrjes kirurgjikale

Papa Leo XIV ka njoftuar se do të operohet në ditët në vijim pasi gjatë një kontrolli i është gjetur një nyjëz në mushkëri.

“Mjekët gjetën një nyjë të hershme, të lokalizuar mirë në mushkërinë time”, ka njoftuar Papa Leo XIV.

“Kam vendosur t’i nënshtrohem një ndërhyrjeje kirurgjikale për ta hequr atë,” vazhdoi ai, duke shtuar se procedura ishte caktuar tashmë për ditët në vijim.

Zëdhënësi i Zyrës së Shtypit të Selisë së Shenjtë, Matteo Bruni, tha për mediat se operacioni është planifikuar për ditët e para të javës së ardhshme.

Ai shtoi se pas ndërhyrjes Papa Leos do t’i duhet një javë të rikuperohet.