Një fluturim i kompanisë Ryanair nga Tirana drejt Napolit u shndërrua në një përvojë të frikshme për pasagjerët, pasi avioni nuk mundi të ulej menjëherë në aeroportin e destinacionit për shkak të kushteve të pafavorshme atmosferike.
Pasi mbërriti në afërsi të aeroportit napoletan, avioni qëndroi rreth 20 minuta në ajër, në pritje të kushteve të përshtatshme për ulje. Situata u tensionua edhe më shumë për shkak të një stuhie të fuqishme, ndërsa vetëtimat dukeshin aq pranë, sa krijonin përshtypjen se preknin krahun e avionit.
Pasagjerët përjetuan minuta ankthi dhe frike, ndërsa në sfond dëgjoheshin thirrje si “O Zot, o nëna ime!”. Për fat të mirë, avioni arriti të ulej në pistë, megjithëse me vonesë.