Çështja e marrëveshjes për naftën ruse ka shkaktuar përplasje edhe brenda radhëve të republikanëve që mbështesin Donald Trumpin në SHBA.
Të lidhura
None found
Ligjvënësi Brian Fitzpatrick deklaroi se do të kërkojë që Dhoma e Përfaqësuesve të votojë për një projektligj që ndalon blerjen e naftës nga Rusia. Nisma bie ndesh me vendimin e presidentit Donald Trump për të lehtësuar kufizimet ndaj eksporteve ruse të naftës bruto. Fitzpatrick, bashkëkryesues i Grupit të Dhomës së Përfaqësuesve për Ukrainën, tha se synon të paraqesë projektligjin dypartiak “Ronald Reagan: Paqe përmes Forcës”, me mbështetjen e ligjvënësit republikan Don Bacon.
Projektligji mund të dërgohet për votim edhe pa kaluar në komisionin përkatës apo pa marrë miratimin e drejtuesve të Dhomës, nëse peticioni mbledh të paktën 218 firma. Sidoqoftë, koha në dispozicion paraqet një pengesë, ndërsa nisma duhet të miratohet më pas edhe nga Senati. Republikanë të tjerë, mes tyre Michael Mçaulin dhe senatorja Lisa Murkoëski, paralajmëruan se zbutja e sanksioneve do të ulte presionin ndaj presidentit rus, Vladimir Putin, dhe do të ndihmonte në financimin e makinës luftarake të Kremlinit.
Republikanët i kërkuan Trumpit të aktivizojë kompetencat për vendosjen e tarifave ndaj blerësve kryesorë të energjisë ruse. Këto masa parashikohen në ligjin e miratuar në shtator, i cili lidhet me sanksionet kundër Rusisë dhe Iranit. Ndërkohë, demokratët kërkuan zbatimin e ligjit të vitit 2022, që ndalon importin e naftës ruse në SHBA, përveç rasteve kur Rusia përmbush disa kushte, përfshirë largimin nga Ukraina dhe respektimin e sovranitetit të saj.
Tom Malinoëski, ish-zyrtar amerikan, u bëri thirrje drejtuesve demokratë të përdorin procedurat e përshpejtuara për të kundërshtuar vendimin e administratës Trump.
