Ambasadorja e BE-së: Mbeten ende disa kapituj për të mbyllur, afat kohor ambicioz

Ambasadorja e BE-së në Tiranë, Sofia Moreira de Sousa, komentoi sot fazën në të cilën ndodhet Shqipëria në rrugëtimin drejt integrimit në Bashkimin Europian.

Në një prononcim mediatik, Ambasadorja theksoi se mbeten ende disa kapituj për të mbyllur, ndërsa autoritetet shqiptare po punojnë ngushtë në këtë proces.

Sousa tha se përmbushja e afatit kohor ambicioz të propozuar nga pala shqiptare kërkon punë intensive në disa fusha me rëndësi.

“Ne po punojmë ngushtë me autoritetet shqiptare. Unë, së bashku me ekipin tim, jemi plotësisht të angazhuar në këtë proces. Mbeten ende disa kapituj për të mbyllur. Kemi përpara një afat kohor ambicioz, të propozuar nga pala shqiptare. Përmbushja e këtij afati kërkon punë intensive në disa fusha. Përpjekjet duhet të vazhdojnë sa i përket shtetit të së drejtës dhe çështjeve mjedisore; ka shumë fusha ku puna duhet të vijojë. Ata gjithashtu mund të marrin shembull nga vendi im, Portugalia, e cila është pjesë e BE-së prej 40 vitesh”,-u shpreh Ambasadorja./CNA