Presidenti ukrainasm Volodymyr Zelensky ka deklaruar se është i gatshëm të organizojë zgjedhje në Ukrainë nëse presidenti rus Vladimir Putin pranon një armëpushim të plotë për 60 ditë.
Deklarata vjen në përgjigje të kritikave të presidentit amerikan Donald Trump lidhur me mbajtjen e zgjedhjeve në vendin e përfshirë prej vitesh në luftë.
Presidenti i Ukrainës, Volodymyr Zelensky ka bërë të ditur se organizimi i zgjedhjeve në vend mund të bëhet i mundur nëse Rusia pranon një armëpushim të plotë dhe të qëndrueshëm për një periudhë prej 60 ditësh.
Kreu i shtetit ukrainas e bëri këtë deklaratë gjatë një interviste për emisionin “This Week” të televizionit amerikan ABC, duke iu përgjigjur kritikave të presidentit të Shteteve të Bashkuara, Donald Trump.
Zelensky i bëri thirrje palës ruse që të pranojë ndalimin e plotë të luftimeve për dy muaj, duke theksuar se kjo periudhë do të krijonte kushtet për organizimin e zgjedhjeve në Ukrainë.
“Ju lutem, thuajini Putinit: na jepni dy muaj, 60 ditë armëpushim të plotë, 60 ditë, dhe ne do t’i organizojmë zgjedhjet”, deklaroi presidenti ukrainas.
