Administrata e Presidentit amerikan Donald Trump ka paralajmëruar Ukrainën dhe aleatët evropianë se Uashingtoni mund të pezullojë shkëmbimin e informacioneve të inteligjencës dhe mekanizmat evropianë të blerjes së armëve amerikane për Kievin, nëse Ukraina nuk ndalon sulmet në thellësi të territorit rus ndaj objekteve energjetike.
Një burim i njohur me zhvillimet bëri të ditur se SHBA-të kanë kërcënuar të ndërpresin ndarjen e informacioneve të inteligjencës me Ukrainën. Financial Times ishte media e parë që raportoi për kërcënimet e mundshme të Uashingtonit lidhur me shkëmbimin e inteligjencës dhe blerjet evropiane të armëve amerikane për Ukrainën.
Paralajmërimet vijnë në një kohë kur Presidenti Donald Trump ka shprehur pakënaqësi ndaj presidentit ukrainas Volodymyr Zelensky për sulmet rafinerive ruse.
Trump ka fajësuar prej kohësh luftën mes Rusisë dhe Ukrainës për rritjen e çmimeve globale të naftës, duke u bërë thirrje të dyja palëve të ndalin sulmet ndaj infrastrukturës energjetike.
Sondazh
Lexo gjithashtu
