Ushtria e Koresë së Jugut ka konfirmuar se Koreja e Veriut gjuajti mëngjesin e së dielës disa raketa balistike në drejtim të Detit Lindor, njohur ndryshe si Deti i Japonisë. Provokimi ndodh vetëm disa ditë pasi Seuli realizoi provën e një armatimi të ri hipersonik.
Të lidhura
None found
Anim nga Shtabi i Përbashkët i forcave të Koresë së Jugut bëri me dije se gjuajtjet u kryen nga rrethinat e kryeqytetit verior, Pheniani, afër orës 09:20 me orën vendore.
Nga ana e vet, Ministria e Mbrojtjes e Japonisë raportoi se të paktën dy nga raketat balistike përfunduan në ujërat e detit, pa hyrë në Zonën Ekonomike Ekskluzive të Japonisë.
Këto gjuajtje arrijnë në një kohë kur aktiviteti ushtarak në rajonin e gadishullit Korean po shënon rritje. Dikasteri i Mbrojtjes i Koresë së Jugut kishte testuar pak ditë më herët automjetin e saj të parë rrëshqitës hipersonik (HGV), prodhim vendas.
Të tillë automjete ndahen nga raketa që i transportojnë në shtresat e sipërme të atmosferës dhe sulmojnë objektivin me shpejtësi mbi pesëfishin e asaj të zërit – një aftësi që vështirëson punën e sistemeve konvencionale kundërajrore.
Në datë 3 tetor, edhe vetë Koreja e Veriut kishte njoftuar se provoi një raketë hipersonike me gamë të mesme veprimi, të cilën, sipas deklaratave të Phenianit, e pajisur me teknologji të inteligjencës artificiale.
Seuli dhe Tokio po ndjekin me vëmendje këto zhvillime, duke vëzhguar vazhdimisht programet balistike të Phenianit, të cilat ngjallin shqetësime për sigurinë e rajonit.
