Aksident në rrethrrotullimin e Plasmasit në Lushnjë, lëndohet drejtuesi i motorit

Një aksident rrugor është regjistruar këtë mëngjes në rrethrrotullimin e Plasmasit. Mësohet se një makinë  tip “Benz” është përplasur me një motomjet. Si pasojë e përplasjes, drejtuesi i motorit ka mbetur i lënduar.

Dyshohet se automjeti ka goditur nga pas motomjetin.

I lënduari është transportuar drejt Spitalit të Lushnjës, ku po merr ndihmën mjekësore.

Në vendngjarje ka mbërritur policia, e cila po kryen veprimet për të dokumentuar aksidentin dhe për të zbardhur shkaqet dhe rrethanat e tij. Ndërkohë, drejtuesi i automjetit tip “Benz” po merret në pyetje nga uniformat blu.

Shkaqet e aksidentit mbeten ende nën hetim.