Hapen aplikimet për Programin e Financimit të Doktoraturave, mbështetje për kërkimin shkencor

Programi synon të krijojë më shumë mundësi për studentët që ndjekin studimet e doktoraturës, duke i ndihmuar në zhvillimin e kërkimeve shkencore dhe në realizimin e projekteve që mund të sjellin rezultate konkrete për vendin.

Sipas Ministrisë së Arsimit, skema e financimit po konsolidohet si një program i qëndrueshëm, i cili vit pas viti synon të zgjerojë mbështetjen për kërkimin shkencor. Në këtë kuadër, programi ka shënuar rritje të buxhetit, pasurim të portofolit të aplikimeve dhe masa për të lehtësuar barrierat me të cilat përballen studentët dhe universitetet.

Përmes kësaj nisme synohet të nxitet zhvillimi i kërkimit shkencor në Shqipëri, të mbështeten studiuesit e rinj dhe të forcohet lidhja mes punës akademike dhe nevojave të zhvillimit ekonomik e institucional të vendit.

Programi i Financimit të Doktoraturave 2026 nga Ministria e Arsimit u krijon mundësi doktorantëve të kërkojnë mbështetje për projektet e tyre kërkimore, me synimin që rezultatet e studimeve të kontribuojnë në avancimin e njohurive shkencore dhe në hartimin e politikave publike.

Detajet mbi kriteret e aplikimit, dokumentacionin e nevojshëm, afatet dhe mënyrën e paraqitjes së aplikimeve duhet të konsultohen në njoftimin zyrtar të programit.

Top Channel