134 ditë protestë kundër Ramës/ Qytetarët zbresin sërish në shesh: Qeveri e krimit, qeveri e drogës
Protesta qytetare/ Protestuesit marshojnë në rrugët e Tiranës: Arrestoni Ramën 11 Teto...
Protesta qytetare/ Protestuesit marshojnë në rrugët e Tiranës: Arrestoni Ramën 11 Teto...
Përshkallëzohet situata në Lindjen e Mesme/ Rebelët Huthi paralajmërojnë: Shmangni hapësirën ajrore t&eu...
Atentati me shpërthim në Gjirokastër/ Policia: 45 vjeçari ndërroi jetë gjatë transportimit drejt Tiranë...
VIDEO/ Shpërthen në ecje makina në Gjirokastër, policia nis hetimet 10 Tetor, 22:12 EMRAT+PAMJET/ Shpë...
Sipas tyre, veprimet e pretenduara ndaj dy deputetëve të opozitës mund të ndëshkohen me përjashtim deri në 10 ditë kalendarike dhe jo deri në 60 ditë, siç parashikon dispozita për të cilën është kërkuar masa. Korreshi dhe Himçi theksojnë se kërkesa e PS-së nuk e klasifikon saktë shkeljen e pretenduar dhe sanksionin përkatës.
TIRANË- Deputetët e Partisë Demokratike, Saimir Korreshi dhe Blendi Himçi, kanë kundërshtuar kërkesën e Partisë Socialiste për marrjen e masave disiplinore ndaj dy kolegëve, Gazment Bardhi dhe Klevis Balliu. Në qëndrimin e paraqitur në Këshillin e Etikës, Korreshi dhe Himçi argumentojnë se kërkesa e socialistëve është e pabazuar në ligj dhe në Rregulloren e Kuvendit.
Sipas tyre, veprimet e pretenduara ndaj dy deputetëve të opozitës mund të ndëshkohen me përjashtim deri në 10 ditë kalendarike dhe jo deri në 60 ditë, siç parashikon dispozita për të cilën është kërkuar masa.
Korreshi dhe Himçi theksojnë se kërkesa e PS-së nuk e klasifikon saktë shkeljen e pretenduar dhe sanksionin përkatës. Për këtë arsye, dy deputetët e PD-së e cilësojnë kërkesën si një përpjekje për të vendosur një dënim pa ligj, si në kohën e komunizmit dhe kërkojnë rrëzimin e saj.
Qëndrimi i plotë i Saimir Korreshit dhe Blendi Himçit në Këshillin e Etikës:
Në kërkesën e PS që kërkon masë disiplinore ndaj dy deputetëve të opozitës, përshkruhen këto veprime të deputetëve, që për kërkuesit përbëjnë shkelje disiplinore:
Deputeti Gazment Bardhi:
Në momentin e kalimit në procedurën e votimit u regjistruan incidente të rënda, të shoqëruara me fyerje, provokime dhe sulme fizike nga deputetë të opozitës, duke cenuar rëndë rendin dhe zhvillimin normal të seancës plenare.
Sapo filloi votimi iu drejtua Kryetarit të Kuvendit,Kryeministrit, anëtarëve të Këshillit të Ministrave dhe deputetëve të Partisë Socialiste me fjalë të renda fyese dhe denigruese.
Qëlloi disa herë me shishe uji në drejtim të Kryetarit të Kuvendit, Kryeministrit, anëtarëve të Këshillit te Ministrave, deputetëve të Partisë Socialiste.
Deputeti Klevis Balliu:
Në momentin e kalimit në procedurën e votimit u regjistruan incidente të rënda, të shoqëruara me fyerje, provokime dhe sulme fizike nga deputetë të opozitës, duke cenuar rëndë rendin dhe zhvillimin normal të seancës plenare.
Doli përpara foltores së Kuvendit dhe hodhi vezë në drejtim të Kryeministrit, Kryetarit të Kuvendit dhe anëtarëve të Küshillit të Ministrave.
Përdori një pajisje zhurmuese në sallën e Kuvendit, duke penguar vijimin normal të punimeve.
Për të dy deputetët, klasifikimi përmbledhës i shkeljes, përshkruhet si më poshtë nga vetë kërkuesit: “Përdorimi i pajisjeve zhurmuese, aktet e dhunës, fyerjet dhe hedhja e sendeve të forta në drejtim të Kryetarit të Kuvendit, Kryeministrit dhe anëtarëve të Këshillit të Ministrave përbëjnë veprime të cilat janë në kundërshim me Regulloren Kuvendit dhe Kodin e Sjelljes së Deputetit.”
Në mënyrë të individualizuar, kërkuesit në përfundim,kërkojnë dënimin e:
– Deputetit Bardhi, për shkak se: “mënyrë të perseritur me veprimet e tij te dhunshme dhe të qëllimshme pengoi zhvillimin normal të seances plenare, perdori gjuhë shume te rende fyese dhe denigruese si dhe qëlloi me shishe uji ndaj Kryetarit te Kuvendit, Kryeministrit, anëtarëve te Köshillit te Ministrave, deputetëve te Partise Socialiste dhe punonjësve të Gardës së Republikës.
– Deputetit Balliu, për shkak se: “Në mënyrë të persëritur me veprimet e tij te dhunshme dhe te qellimshme qelloi me vezë, perdori pajisje te zhurmshme, pengoi zhvillimin normal te seances plenare dhe perdori gjuhejoparlamentare ndaj Kryetarit të Kuvendit, Kryeministrit, anëtarëve te Këshillit teMinistrave dhe deputetëve te Partisë Socialiste”.
Neni 65/1 i Rregullores së Kuvendit, ka bërë një klasifikim tëveprimeve apo mosveprimeve që përbëjnë shkelje disiplimore, si dhe sanksionin që shoqëron secilin prej tyre. Dënimet jashtë këtyre shkeljeve, apo sanksioni jashtëparashikimit të bërë për veprimin konkret, klasifikohet si “dënim pa ligj”, si në kohën e komunizmit.
Konkretisht, pika 1, e nenit 65/1 të Rregullores së Kuvendit, parashikon se: “1. Masa disiplinore “Përjashtim nga pjesëmarrja në komisione dhe/ose në seancë plenare deri në 10 ditë kalendarike” i jepet deputetit: a) kur edhe pas tërheqjes së vëmendjes dhe dhënies së vërejtjes nga drejtuesi i seancës/mbledhjes, bën thirrje për përdorim dhune, pengon zhvillimin e rregullt të seancës plenare/ mbledhjes së komisionit, shkakton kaos në seancë plenare/ komision, fyen, kërcënon ose dhunon deputetët e tjerë, drejtuesin e seancës, anëtarët e Këshillit të Ministrave, të ftuarit ose persona të tjerë, apo përdor fjalë fyese për Presidentin e Republikës,Kryeministrin ose institucione të tjera shtetërore”.
Ndërsa pika 7, e po të njëjtit nen, parashikon se: “7. Masa disiplinore “Përjashtim nga pjesëmarrja në komisione dhe/ose në seancë plenare deri në 60 ditë kalendarike” jepet nërastet: a) kur deputeti përdor lëndë apo mjete piroteknike, tymuese, bojëra dhe materiale apo mjete të tjera të ngjashme brenda sallës së zhvillimit të punimeve të Kuvendit/mbledhjes së komisionit/ brenda mjediseve të Kuvendit;”.
Duke u rikthyer tek pretendimet e kërkuesit, shkelja që ka kryer deputeti Bardhi dhe Balliu, mund të përmblidhen bazuar në veprimet që përshkruan kërkuesi, në tre elementë:
a) Pengimi i zhvillimit të rregullt të seancës plenare;
b) Shkaktimi i kaosit në seancë plenare;
c) Fyerja dhe dhunimi me sende i deputetët e tjerë, drejtuesin e seancës, anëtarët e Këshillit të Ministrave, të ftuarit ose persona të tjerë.
Pra, për vetë kërkuesit, nuk rezulton që të ketë pretendime për përdorim të lëndëve apo mjete piroteknike, tymuese, bojëra dhe materiale apo mjete të tjera të ngjashme brenda sallës së zhvillimit të punimeve të Kuvendit. Për pasojë, kërkesa e tyre për marrjen e masës disiplinore, sipas pikës 7, të nenit 65/1, të Rregullores, është e pabazuar, sa kohë nuk ka asnjë pretendim për përdorim të mjeteve piroteknike apomjeteve të ngjashme në pasoja me to.
Veprimet e përshkruara nga kërkuesi, si: Pengimi i zhvillimit të rregullt të seancës plenare; Shkaktimi i kaosit në seancë plenare; Fyerja apo dhunimi me sende i deputetët e tjerë, drejtuesin e seancës, anëtarët e Këshillit të Ministrave, të ftuarit ose persona të tjerë, mund të klasifikohen benda fushës së veprimit të pikës 1, të nenit 65/1, të Rregullores së Kuvendit. Sanksioni në këtë rast nuk mund të jetë kurrë, më shumë se 10 ditë kalendarike. Kjo edhe përfaktin, se sesioni ri parlamentar ka nisur në 8 Shtator 2026, dhe nuk rezulton që brenda këtij sesioni ndaj deputetëve Bardhi dhe Balliu, të jenë marrë masa disiplinore të tjera më parë. Për pasojë, nuk jemi as në kushtet e pikës 6, të nenit 65/1, të Rregullores.
Përsa më lart, rezulton se kërkesa e deputetëve të grupit parlamentar të PS, për marrjen e masës disiplinore dhe dënimin e dy deputetëve të opozitës, sipas pikës 7, të nenit 65/1 të Rregullores, është e pabazuar në ligj dhe Rregullore, dhe për pasojë është abuzive dhe e papranueshme. Kërkesa e tyre duhet të rrëzohet, sepse nuk ka bërë klasifikimin e duhur të shkeljes dhe sanksionit referuar veprimeve të përshkruaradhe që shoqërohen me pamjet përkatëse./Dosja.al
pamje nga takimi TIRANË- Ministri për Evropën dhe Punët e Jashtme, Ferit Hoxha, priti paraditen e sotme në një vizitë zy...
Marta Kos BRUKSEL- Komisionerja e BE-së për Zgjerimin, Marta Kos ka deklaruar se anëtarësimi në BE kërkon përmbushjen e ...
Sali Berisha TIRANË- Kryetari i Partisë Demokratike, Sali Berisha, ka reaguar ashpër ndaj deklaratës së zëvendëskryemini...
Gideon Sa’ar TIRANË- Ministri i Jashtëm i Izraelit, Gideon Sa’ar, ka mbërritur në Tiranë për një vizitë...
pamjet nga kuvendi TIRANË- Sekretariati i Etikës pritet të shqyrtojë sot kërkesën e Partisë Socialiste për pë...
Grupi i PS-së TIRANË- Parta Socialiste, pritet të zhvillojë ditën e mërkurë një mbledhje të zgjeruar të g...
Ministria e Jashme TIRANË- Ministria e Jashtme shqiptare ka reaguar pas deklaratave të ministrit serb Ivica Daçiç, i cili gjat...
Justina Shiroka Pula dhe Albin Kurti Lëvizja Vetëvendosje (LVV) dhe Partia Demokratike e Kosovës (PDK) kaluan vite duke treguar se sa shum&e...
Edi Rama TIRANË - Kryeministri i vendit, Edi Rama ka treguar në podcast-in e tij “Flasim” se një nga dëshirat e tij pasi tw...
Edi Rama TIRANË - Kryeministri i vendit, Edi Rama ka dënuar sulmet e rebelëve Huthi ndaj Arabisë Saudite, përfshirë goditjen ...
