“Makro dhe mikroekonomia”, dy amerikanë fitojnë çmimin Nobel në Ekonomi

Amerikanët Robert Hall dhe Michael Woodford fituan çmimin Nobel në ekonomi për vitin 2026 për “themelet mikroekonomike të stabilizimit makroekonomik”. Kështu njoftoi tha të hënën Akademia Mbretërore Suedeze e Shkencave.

Çmimi prestigjioz, i njohur zyrtarisht si Çmimi i Bankës së Suedisë në Shkencat Ekonomike në Kujtim të Alfred Nobelit, është çmimi i fundit që do të jepet këtë vit dhe vlen 12 milionë korona suedeze (1.2 milionë dollarë).

Çmimi i ekonomisë, i dhënë për herë të parë në vitin 1969, nuk është një nga pesë çmimet origjinale të krijuara në testamentin e vitit 1895 të industrialistit dhe shpikësit të dinamitit Alfred Nobel, por u krijua nga banka qendrore e Suedisë.

Shumica e laureatëve të mëparshëm kanë qenë nga Shtetet e Bashkuara. Vetëm tre gra e kanë fituar ndonjëherë, më së fundmi Claudia Goldin në vitin 2023 për punën mbi mënyrën se si gjinia ka ndikuar në pagat dhe punësimin me kalimin e kohës në Shtetet e Bashkuara.

Analiza nga Instituti për Informacion Shkencor, pjesë e Clarivate, kishte zgjedhur studiues që punonin në politikën monetare, ekonominë e teknologjisë së informacionit dhe teorinë ekonomike evolucionare si përfitues të mundshëm.

Fituesit e vitit të kaluar, Joel Mokyr, Philippe Aghion dhe Peter Howitt, fituan për punën mbi “shkatërrimin krijues” dhe se si teknologjia e re dhe metodat e prodhimit mund të nxisin rritjen dhe standardet e jetesës.