Ministri izraelit: Miqësia me Shqipërinë i ka rrënjët në histori

Ministri i Jashtëm i Izraelit, Gideon Sa’ar, i cili ndodhet në Tiranë, ka zhvilluar një takim me ministrin e Jashtëm, Ferit Hoxha.

Sa’ar theksoi se miqësia mes Izraelit dhe Shqipërisë i ka rrënjët në histori.

Ministri izraelit përmendi faktin që shqiptarët ndihmuan hebrenjtë duke theksuar se ky akt nuk do të harrohet kurrë.

“Shqipëria është një vend mik i Izraelit. Miqësia jonë i ka rrënjët në histori. Kur izraelitët përndiqeshin në mbarë Europën, shqiptarët ndihmuan hebrenjtë. Shqipëria ishte i vetmi vend në kontinent që shpëtoi hebrenjtë dhe ne kurrë nuk do ta harrojmë këtë gjë. Kryeministri Rama ka dhënë një mbështetje për komunitetin hebre. Dënimi nga Shqipëria i sulmeve të Hamasit ka shumë rëndësi për Izraelin. Edhe sot, kur hebrenjtë vijnë në Shqipëri, ata janë të mirëpritur. Falënderoj Shqipërinë për mbështetjen ndaj antisemitizmit dhe dënimet për sulmet”, theksoi Sa’ar./ CNA