Zelensky thotë se sulmet ndaj Yandexit paralizuan botët pro-Kremlinit, por ekspertët dyshojnë 12 Tetor, 20:52 ...
135 ditë protestë/ Qytetarët marshojnë drejt Kryeministrisë, thirrje: Dorëheqje! 12 Tetor, 19:09 ...
“Mik i palëkundur i Izraelit”/ The Times of Israel pasqyron vizitën e Gideon Sa’ar në Tiranë dhe marrë...
"Nuk pranojmë asnjë bashki me numërim elektronik"/ Berisha: Ky numërim është manipuluar edhe me ndërhyrjen e ...
• Qytetarët u mblodhën sot në ditën e 135-të të revoltës së tyre. • Ata u organizuan fillimisht në sheshin “Skënderbej” dhe më pas vijuan marshimin drejt Kryeministrisë, ku dhe zhvilluan fjalimet e tyre. • Të shumtë ishin qytetarët të cilët folën në podiumin e vendosur para Kryeministrisë, ku artikuluan kërkesat e tyre dhe bënë thirrje për ndryshim. • Pjesëmarrës në protestën e sotme ka qënë aktivisti Edison Lika, i cili është ngjitur në podiumin e vendosur para Kryeministrisë ku foli për situatën politike në të cilën ndodhet vendi ynë. • Gjatë fjalës së tij, ai kritikoi deputetët e Kuvendit, duke i cilësuar si 'robër' të kryeministrit Rama. Aktivisti u bëri thirrje qytetarëve të marshojnë drejt hyrjeve dhe daljeve të godinës, pasi në godinë ndodhej kryeministri Edi Rama. • Ai u kërkoi protestuesve të lëvizin drejt daljeve të Kryeministrisë, duke pretenduar se godina u përket qytetarëve dhe jo kryeministrit Edi Rama. • Lika komentoi gjithashtu përdorimin e vezëve në protesta, duke i nxitur protestuesit t’i drejtojnë ato ndaj kryeministrit dhe anëtarëve të kabinetit qeveritar. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve.
4 artikuj për këtë temë.
TIRANË- Protesta në Tiranë shënon ditën e sotme 135 ditë të revoltës qytetare kundër klasës politike. Pas grumbullimit në sheshin Skënderbej, qytetarët kanë nisur marshimin drejt godinës së Kryeministrisë në të cilën janë mbajtur fjalime nga protestuesit dhe aktivistët.
Sipas informacioneve paraprake, mësohet se gjatë tubimit të sotëm janë shoqëruar nga forcat policore dy aktivistë. Arsyet e shoqërimit mbeten ende të paqarta, ndërsa qytetarët po vijojnë të protestojnë. Thirrjet 'Shqipëri e re', 'Rama në burg, Berisha në burg', 'Poshtë narkoshteti' kanë shoqëruar marshimin në rrugët e Tiranës./Dosja.al
TIRANË - Protestuesit janë mbledhur sërish pranë Kryeministrisë, në ditën e 135-të të protestës. Aktivisti Edison Lika, u bëri thirrje qytetarëve të marshojnë drejt hyrjeve dhe daljeve të godinës, pasi në godinë ndodhej kryeministri Edi Rama.
Ai u kërkoi protestuesve të lëvizin drejt daljeve të Kryeministrisë, duke pretenduar se godina u përket qytetarëve dhe jo kryeministrit Edi Rama. Lika komentoi gjithashtu përdorimin e vezëve në protesta, duke i nxitur protestuesit t’i drejtojnë ato ndaj kryeministrit dhe anëtarëve të kabinetit qeveritar.
Aktivisti: Është e disata natë që ne vijmë në protestë, si çdo natë, dhe ky kryeministër, për të na provokuar ne, vjen në zyrë. Është e disata natë që ne vijmë në protestë, si çdo natë, dhe ky kryeministër, për të na provokuar ne, vjen në zyrë. Të marshojmë drejt çdo daljeje të Kryeministrisë, në hyrjet kryesore, paqësisht.
Kryeministria është e jona dhe jo e atij maskarai që e ka pushtuar! Ai është pushtuesi i kësaj Kryeministrie dhe i këtyre trojeve. Mos harroni, veza është e dekriminalizuar, nuk përbën vepër penale. Kur të shihni atë dhe qeverinë e tij, goditeni./Dosja.al
TIRANË- Protesta qytetare në Tiranë ka shënuar ditën e sotme 135 ditë të revoltës kundër klasës politike. Si çdo ditë tashmë, qytetarët nisin grumbullimin e tyre në sheshin Skënderbej, për të marshuar më tej drejt Kryeministrisë në të cilën do të mbahen fjalime nga protestues dhe aktivistë.
Pjesëmarrës në protestën e sotme ka qënë aktivisti Edison Lika, i cili është ngjitur në podiumin e vendosur para Kryeministrisë ku foli për situatën politike në të cilën ndodhet vendi ynë. Gjatë fjalës së tij, ai kritikoi deputetët e Kuvendit, duke i cilësuar si 'robër' të kryeministrit Rama.
Lika kërkoi transparencë për marrëveshjet e arritura gjatë vizitës së ministrit të Jashtëm izraelit në Shqipëri, duke theksuar se qytetarët kanë të drejtë të dinë se çfarë është firmosur. Njëkohësisht, ai deklaroi se kryeministri dhe qeveria e tij nuk janë të përjetshëm, ndërsa protestuesit që kanë dalë në shesh prej 135 ditësh janë të vendosur të vazhdojnë protestat deri në rrëzimin e qeverisë.
“Nuk ka deputetë parlamenti shqiptar, por thjesht ka robër të Edi Ramës. Ata janë thjesht punëtorët e bindur të kryeministrit Edi Rama. Ditën e sotme kishte vizitë ministri i Jashtëm izraelit, dhe shprehej se ka ardhur në Shqipëri për marrëveshje të përgjithshme. Por secili shqiptar meriton të dijë se çfarë marrëveshjesh janë arritur dhe çfarë është firmosur në kurriz të shqiptarëve. Kryeministri mendon se është i përjetshëm, por ai dhe qeveria e tij e ka gabim sepse këta qytetarë që kanë dalë për 135 ditë janë të gatshëm të sakrifikojnë deri në rrëzimin e atij krimineli”, tha aktivisti Edison Lika në protestën e 135 kundër qeverisë./Dosja.al
TIRANË- Protesta në Tiranë po vijon prej 135 ditësh. Pas grumbullimit në sheshin Skënderbej ka nisur marshimi i qytetarëve drejt godinës së Kryeministrisë, ku do të mbahen fjalime nga protestuesit dhe organizatorët. Sakaq, kërkesat e qytetarëve mbeten dorëheqja e panegociueshme e kryeministrit të vendit Edi Rama, rrëzimi i klasës politike dhe anulimi i ligjit për zonat e mbrojtura.
Protestuesit akuzojnë qeverinë se është zhytur në krim dhe korrupsion e kërkojnë largimin e Ramës e të qeverisë së tij. “Qeveri e krimit”, “Nuk shitet Shqipëria, në burg qeveria”, “Arrestoni Ramën”, “Arrestoni Berishën”, “Shqipëria në BE, pa Edi Ramën” brohorasin qytetarët në kor./Dosja.al
