Zjarr në trenin e linjës Madrid-Figueres, pezullohen udhëtimet mes Madridit dhe Barcelonës (VIDEO)

Një zjarr shpërtheu pasditen e së hënës, më 12 tetor, në një tren në provincën e Zaragozës, në Spanjë, duke shkaktuar evakuimin e 380 pasagjerëve në përputhje me protokollet e sigurisë. Sipas informacioneve paraprake, të gjithë pasagjerët janë në gjendje të mirë shëndetësore dhe nuk raportohet për persona të lënduar.

Sipas televizionit spanjoll RTVE, incidenti ndodhi në orën 16:05, kur treni, i cili ishte nisur nga stacioni Atocha në Madrid me destinacion Figueres, u ndal në zonën e Ricla-s, në provincën e Zaragozës. Zjarri u zbulua në kabinën e pasme të trenit.

Pas incidentit, trafiku hekurudhor mes Madridit dhe Barcelonës u pezullua. Trenat që ishin në shërbim u ndaluan, ndërsa kompania shtetërore Renfe, e cila menaxhon dhe operon rrjetin hekurudhor të Spanjës, konfirmoi përmes një deklarate se të gjitha nisjet e planifikuara janë anuluar.

Renfe ka aktivizuar masa mbështetëse për pasagjerët e prekur nga ndërprerja e shërbimit. Këto masa përfshijnë mundësinë e ndryshimit të biletave ose rimbursimin e tyre.

Kompania bëri të ditur se aktualisht nuk mund të përcaktojë se sa do të zgjasë ndërprerja e shkaktuar nga incidenti.

#ÚLTIMAHORA‼️ La circulación de los trenes de alta velocidad está cortada a la altura de Ricla desde poco después de las tras el incendio en la máquina de cola de un convoy del AVE con destino a Figueras. 🚄 Los 380 pasajeros han sido evacuados y los bomberos han acudido a la zona para apagar el fuego. Una persona con movilidad reducida y un mujer han precisado asistencia sanitaria a causa de mareos. AMPLIAREMOS INFORMACIÓN

— Aragón Noticias (@AragonNoticias_) October 12, 2026

#ACTUALIZACIÓN ‼️Finalmente son 283 las personas evacuadas del tren AVE incendiado en Ricla. El suceso no ha causado heridos pero dos personas han sido atendidas por mareos. 🚄El servicio de alta velocidad entre Barcelona y Madrid permanece cortado. https://t.co/f2wwMpquty https://t.co/t4pPhE2epd

— Aragón Noticias (@AragonNoticias_) October 12, 2026