Ylli Manjani ka dalë në mbrojtje të deputetit socialist Erion Braçe, pas kritikave që ky i fundit mori për votën pro ligjit për ndarjen e re territoriale. I ftuar në emisionin “Noë” në Euroneës Albania, Manjani komentoi përplasjen mes Braçes dhe kryeministrit Edi Rama, duke u shprehur se deputeti bëri mirë që votoi pro, në vend që të rrezikonte karrierën e tij politike.
Sipas Manjanit, brenda Partisë Socialiste ka persona që nuk ndajnë të njëjtat qëndrime me Ramën, ndërsa mënyra se si u menaxhua votimi tregoi se bëhej fjalë për një vendim politik të rëndësishëm.
“Brenda PS-së ka njerëz që nuk mendojnë njësoj me Ramën… Nesti Angoni nga ka dalë? Dhe ai ka kafshuar njerëz brenda PS-së, derisa del në emailet e qeverisë, është brenda tyre.
Mënyra si u menaxhua votimi për atë ligj, se nuk është reformë… Ky ishte vendimi politik i vetëm i këtyre kohëve, mënyra si e menaxhoi Rama ishte: të shohim njëherë se çfarë bëhet. Unë prapë mendoj se Braçe ka shumë të drejtë dhe bëri shumë mirë që e votoi, se nuk ia vlen të rrezikosh karrierën politike për çfarëdolloj arsyeje në këtë vend, qoftë edhe për interes publik, që unë nuk mendoj se ekziston. Kështu është rregulli: ose voto, ose ik. Madje tani është bërë më tolerant, se dikur ka qenë rregulli: po fole, ik. Tani të lënë të flasësh”, tha Manjani.
Sondazh
Lexo gjithashtu
