Një shtetas amerikan është gjetur mbrëmjen e sotme në zonën e Bristanit, në Vlorë, pasi kishte humbur orientimin dhe kishte pësuar dëmtime në këmbë.
Kërkimet për gjetjen e tij nisën rreth orës 18:00, me angazhimin e forcave të Njësisë Speciale Delta. Pas rreth tre orësh kërkime, në orën 20:45, u bë e mundur lokalizimi dhe gjetja e tij.
Për shkak të dëmtimeve në këmbë dhe humbjes së orientimit, shtetasi amerikan e kishte të vështirë të largohej vetë nga zona ku ndodhej.
Operacioni i kërkim-shpëtimit u realizua nga toka, ndërsa pas gjetjes, ai u transportua drejt Vlorës për të marrë ndihmën e nevojshme mjekësore.
Sipas informacionit paraprak, gjendja e tij shëndetësore paraqitet e mirë.
