Vendi ynë do të ndikohet sot nga kushte atmosferike relativisht të paqëndrueshme. Moti parashikohet kryesisht i kthjellët, ndërsa vranësirat do të jenë më të pranishme përgjatë zonave malore, veçanërisht në jug të vendit.
Vranësirat pritet të shoqërohen me reshje shiu me intensitet të ulët dhe shtrëngata të izoluara në zonat jugore dhe juglindore.
Era do të fryjë nga veriu dhe verilindja, me shpejtësi mesatare rreth 8 m/s. Përgjatë vijës bregdetare dhe në zonat luginore, herë pas here, shpejtësia e saj mund të arrijë deri në 17 m/s.
Në det pritet valëzim me forcë 3–4 ballë.
