Ministrja Spahiu viziton shtëpinë e të moshuarve në Shkodër: Përkujdesje dhe shërbime më cilësore për moshën e tretë

Ministrja e Shëndetësisë dhe Mirëqenies Sociale, Klodiana Spahiu ka vizituar sot Shtëpinë e të Moshuarve në Shkodër, ku ofrohen shërbime të integruara shëndetësore dhe sociale.

Spahiu ka theksuar se Ministria e Shëndetësisë dhe Mirëqenies Sociale do të vijojë zgjerimin e aksesit në shërbime sociale, nga depistimi dhe ndjekja shëndetësore, për të qenë sa më pranë nevojave të qytetarëve të moshës së tretë.

“Në Shtëpinë e të Moshuarve në Shkodër, ku ofrohen shërbime të integruara shëndetësore dhe sociale, me fokus mirëqenien, kujdesin e personalizuar dhe përmirësimin e cilësisë së jetës për të moshuarit.

Nga depistimi dhe ndjekja shëndetësore, te kujdesi social dhe mbështetja e përditshme, do të vijojmë zgjerimin e aksesit në shërbime cilësore, sa më pranë nevojave të qytetarëve të moshës së tretë”, ka shkruar Spahiu në rrjetet sociale.