Administrata amerikane i ka kërkuar Kimberly Guilfoyle, ambasadores së ShBA-së në Greqi, të largohet nga detyra pas raportimeve se ajo kishte kërkuar 100 mijë dollarë nga një donator i Donald Trump përpara seancës së konfirmimit të saj vitin e kaluar. Lajmi është konfirmuar nga zëdhënësja e Shtëpisë së Bardhë, Katie Zacharia, e cila deklaroi se administrata i kishte kërkuar ambasadores të jepte dorëheqjen.
“I kemi kërkuar ambasadores Guilfoyle të japë dorëheqjen. Ajo ka qenë një aset i shkëlqyer për ekipin dhe i urojmë më të mirat”, u shpreh Zacharia të martën.
Sipas raportimit të gazetës “The Ëall Street Journal”, kërkesa për largimin e Guilfoyle lidhet me pretendimin se ajo i kishte kërkuar shumën prej 100 mijë dollarësh një donatori të Trump përpara se të zhvillohej seanca e konfirmimit për postin diplomatik në Greqi.
Guilfoyle u emërua në këtë detyrë nga administrata e presidentit Donald Trump dhe mori zyrtarisht postin pas përfundimit të procesit të konfirmimit. Deri më tani, pretendimi për kërkesën e parave është raportuar nga media amerikane si arsyeja që lidhet me këtë zhvillim.
Sondazh
Lexo gjithashtu
