Tensionet gjatë protestës në Tiranë janë përshkallëzuar më tej, me protestuesit që kanë hyrë në një biznes në zonën e Rrugës së Durrësit, prej nga kanë nxjerrë orendi dhe u kanë vënë flakën në mes të rrugës.
Ndërkohë, protestuesit kanë krijuar disa vatra zjarri në rrugë, në zonën e Rrugës së Durrësit dhe të rrugës Mine Peza, duke vijuar tubimin që ka zgjatur prej më shumë se katër orësh.
Raportohet gjithashtu për djegien e reklamave dhe tendave në zonat ku janë përqendruar protestuesit, ndërsa situata mbetet e tensionuar.
