Pamjet e studentëve të plagosur gjatë protestës së mbrëmjes në Tiranë po vijojnë të dalin nga spitali i Traumës, ku disa prej tyre kanë marrë ndihmë mjekësore pas përplasjeve me policinë.
Pas pamjeve të një protestuesi që shihet me dëmtime të rënda në këmbë dhe që transportohet nga efektivët pasi humbet ndjenjat, një tjetër fotografi ështv bërë publike.
Në imazhin e publikuar, një student shfaqet me shenja të dukshme dëmtimesh, ndërsa ndodhet në spital. Pamjet shtojnë shqetësimin për pasojat e ndërhyrjes policore gjatë protestës dhe ngrenë pikëpyetje mbi përdorimin e forcës ndaj të rinjve.
Ndërkohë, rrethanat e plota të dëmtimeve dhe përgjegjësitë për secilin rast mbeten për t’u dokumentuar.
