“Zbulohet identiteti i djalit që u përplas me 6 policët”, Alibeaj: Hallall qumështi i nënës

Enkelejd Alibeaj komentoi në emisionin Now në Euronews Albania protestën e zhvilluar të martën në Tiranë, që nisi para Ministrisë së Arsimit dhe zgjati për disa orë me radhë, duke u përhapur në disa zona të kryeqytetit.

Alibeaj solli në vëmendje një nga të rinjtë protestues, i identifikuar si Klevin Metaj, student juridiku nga Gjirokastra, i cili u përlesh me disa efektivë përpara se të arrestohej prej tyre dhe të lidhej te disa kangjella.

“Hallall këtyre djemve, e sidomos atij djalit, kam përshtypje se forca i buroi të merrte para 6 policë, pas skafandrave të policëve ai ka parë fytyrën e Edi Ramës, nuk ka shpjegim tjetër ajo lloj force e një njeriu të dëshpëruar”, tha Alibeaj.