Efektivi civil dhe me maskë kap për fyti protestuesin dhe e grushton në fytyrë! Pamje të tjera të dhunës shtazarake

Të tjera pamje të dhunës shtazarake që policia ushtroi dje mbi studentët protestues gjatë ditës së djeshme.

Në video duket një person të cilin disa policë e tërheqin zvarrë për disa metra si të ishte një thes.

Pasi e ngrene në këmbë një polic civil e kap për fyti dhe e godet me grusht në fytyrë më pas e shoqërojnë. Video është publikuar nga gazetari Isa Myzyraj i cili shoqëron videon me pyetjen: Policia e kujt ishte kjo?

Ky nuk është rasti i vetëm Syri, publikoi dje  video e dëshmi të brutalitetit policor ndaj të rinjve që po kërkojnë dorëheqjen e Kryeministrit Edi Rama.

Një të riu i ishte thyer këmba nga dhuna, por sërish merret zvarrë nga disa police, njëri prej të cilëve e godet pavarësisht se ishte pa ndjenja.