Pas grevës së punëtorëve teknikë në shkollat e mesme të Prishtinës, grevës pritet t’i bashkohen edhe punëtorët teknikë të shkollave fillore, për shkak të mosdhënies së pagave dhe vonesave në ekzekutimin e tyre.
Sipas njoftimit të Federatës Sindikale të Punëtorëve Teknikë të Sektorit Privat të Kosovës, greva do të vazhdojë deri në përmbushjen e kërkesave për pagat dhe shlyerjen e obligimeve të mbetura.
Sindikata ka paralajmëruar protestë para objektit të Komunës së Prishtinës, të premten, më 16 tetor, nga ora 11:00 deri në 12:00.
Në shkollën fillore “Meto Bajraktari” në Prishtinë nuk u konfirmua nëse greva ka nisur edhe në këtë institucion, prandaj situata e punëtorëve teknikë në këtë shkollë mbetet e paqartë.
Në protestë pritet të marrin pjesë punëtorët teknikë dhe punëtorët e sigurimit fizik të Qendrave të Mjekësisë Familjare në Prishtinë, të cilët, sipas sindikatës, kanë mbetur pa paga.
-
Punëtorët teknikë të shkollave fillore e të mesme paralajmërojnë grevë më 1 shtator
-
Azemi: Greva e punëtorëve teknikë të shkollave në Prishtinë do të vazhdojë derisa të dalin pagat
-
Nesër në grevë punëtorët teknikë të shkollave në Prishtinë
-
Azemi: Në “Ismail Qemali” pati konfrontim fizik mes punëtorëve grevist dhe atyre që i dërgoi Komuna për të pastruar
-
Prindërit e nxënësve në “Ismajl Qemaili” paralajmërojnë bojkotim të mësimit