Protesta kundër qeverisë ka marrë një tjetër përmasë këtë të mërkurë, teksa krahas studentëve, në lëvizjen qytetare janë përfshirë edhe gjimnazistët.
Nxënësit e gjimnazit ”Partizani” në Tiranë kanë bojkotuar procesin mësimor dhe kanë bllokuar qarkullimin e automjeteve në rrugën ”Tafaj”, duke iu bashkuar kështu valës së protestave.
Raportohet se në shenjë proteste nxënësit i kanë vënë flakën kazanëve të mbeturinave që ndodhen aty pranë.
Bilanci i protestës ishte të paktën 23 persona të shoqëruar në polici, ndërsa 7 protestuesve iu dha ndihmë mjekësore në spital.
