19-vjeçari Ledjon Balla, i cili mbeti i lënduar gjatë protestës së djeshme në Tiranë, po i nënshtrohet ndërhyrjes kirurgjikale.
I riu pësoi thyerje të këmbës, pas goditjeve të marra nga efektivët e Policisë, ndërsa për ngjarjen janë pezulluar katër punonjës policie si dhe shefi i Rendit në Komisariatin nr. 1.
Thuhet se është ngritur një grup i posaçëm për të verifikuar të gjitha veprimet e punonjësve të Policisë, nga fillimi deri në përfundim të tubimit, si dhe nëse janë zbatuar procedurat standarde të punës.
